اسلام آباد (آن لائن) ترجمان جے یو آئی اسلم غوری نے کہا ہے کہ نااہل طرز حکومت سے ریاست مدینہ کو عوام میں بدنام کرنے کی مذموم کوشش کے بعد اب عظیم ہستی
کے کردار کی باتیں کرکے عوام گمراہ نہیں کیا جا سکتا۔عمران نیازی کے خطاب پر رد عمل دیتے ہوئے انہوں نے کہا عمران نیازی اپنے گندے کردار کو دنیا کی عظیم ہستی سے نہ جوڑے۔ نااہل طرز حکومت سے ریاست مدینہ کو عوام میں بدنام کرنے کی مذموم کوشش کے بعد اب عظیم ہستی کے کردار کی باتیں کرکے عوام گمراہ نہیں کیا جا سکتا۔ انہوں نے کہا عمران جھوٹا آدمی ،کوئی بیانیہ کامیاب نہیں ہونے دیں گے۔ ا آسیہ مسیح کو بیرون ملک فرار کرتے وقت شرم نہیں آئی ،اب پاک ہستی کے نام کو استعمال کرنا مذموم مقاصد کے لئے ہے۔ انہوں نے کہا اقتدار سے محرومی کے بعد عمران نیازی باؤلا ہوگیا ہے۔ انہوں نے کہا نیازی کے یہودی ایجنڈے کو ناکام بنایا،آئندہ بھی اس بہروپئے کا تعاقب جاری رکھیں گے۔ انہوں نے کہا انبیاء کے وارث علماء ہیں اور اس حوالے سے الحمد للّٰہ جمعیت علماء پر قوم اعتماد کرتی ہے۔
