ابوظہبی(این این آئی) متحدہ عرب امارات کی کابینہ نے2022کی وزارتی قرارداد نمبر 13جاری کی ہے جس میں دہشت گردی کی حمایت کرنے والے افراد، اداروں اور تنظیموں کی منظور شدہ مقامی فہرست میں ایک فرد اور 5 دہشت گرد اداروں کو شامل کیا گیا ہے۔

میڈیارپورٹس کے مطابق ان پابندیوں میں عبدہ عبداللہ دائل احمدنامی ایک ملزم کو شامل کیا گیا ہے۔ اس کے علاوہ عالمی اداروں میں ایکسپریس ایکسچینج اینڈ ریمیٹنس کمپنی، الحظا ایکسچینج کمپنی اور معاذ عبداللہ دایل کمپنی فار امپورٹ اینڈ ایکسپورٹ شامل ہیں۔ بیان میں اعلان کیا گیا کہ یہ فیصلہ متحدہ عرب امارات کی دہشت گردی کی مالی معاونت اور اس کے ساتھ ہونے والی سرگرمیوں سے وابستہ نیٹ ورکس کو نشانہ بنانے اور ان میں خلل ڈالنے کے فریم ورک کے اندر آتا ہے۔بیان میں کہا گیا کہ حکومت ملک میں دہشت گردی کی کارروائیوں پر گہری نظر جمائے ہوئے ہے۔ہم کسی بھی فرد یا اس سے منسلک اداروں یا کسی بھی مالی یا تجارتی اداروں کے ذریعے دہشت گردوں کو فائدہ اٹھانے کی اجازت نہیں دیں گے۔ اس حوالے سے قوانین کا فوری اطلاق اور نفاذ عمل میں لایا جائے گا۔ دہشت گردی کی سرگرمیوں میں ملوث شخص اور ادارے کے تمام اثاثیچوبیس گھنٹے کے اندر اندر منجمد کرنے کا طریقہ کار اختیار کیا جائے گا۔

موضوعات:دہشت گردی