جمعرات‬‮ ، 03 اپریل‬‮ 2025 

پاکستان کرکٹ کے اپنے تجربات سے چین کی عظیم کرکٹ ٹیم بنانے میں مدد کر سکتا ہے،وزیر اعظم عمران خان

datetime 30  جنوری‬‮  2022
ہمارا واٹس ایپ چینل جوائن کریں

بیجنگ(این این آئی)وزیراعظم عمران خان نے بیجنگ ونٹر اولمپک گیمز 2022 کی میزبانی پر چینی عوام کی کوششوں کو سراہتے ہوئے توقع ظاہر کی ہے کہ کووڈ 19کے تیزی سے پھیلا ئوکے باوجود ونٹر اولمپکس کی میزبانی کرنا آسان نہیں ہے ، ایسا صرف چین ہی کر سکتا ہے ، پاکستان چین کے ونٹر سپورٹس کے تجربات سے فائدہ اٹھائے گا ،

پاکستان کرکٹ کے اپنے تجربات سے چین کی عظیم کرکٹ ٹیم بنانے میں مدد کر سکتا ہے۔ بیجنگ ونٹر اولمپک گیمز کے موقع پر وہ چین کا دورہ کریں گے اور افتتاحی تقریب میں شرکت کریں گے ، وہ بیجنگ ونٹر اولمپک گیمز 2022کی افتتاحی تقریب میں حاضری کے ذریعے دونوں ملکوں کے درمیان دوستی کو مزید مستحکم بنانے کے لئے مخلصانہ طور پر اس دورے کے منتظر ہیں۔ چینی میڈیا کو ایک مشترکہ انٹرویو میں وزیراعظم نے کہاکہ چینی اور پاکستانی عوام کی دوستی 70سالوں پر محیط ہے ، قراقرم ہائی وے کی تعمیر کے وقت وہ طالب علم تھے اس دوران انہوں نے اس شاہراہ کی تکمیل کو دیکھا جس نے شمالی پاکستان میں ٹرانسپورٹ کے کمزور نظام کو بہتر بنانے میں نمایاں کردار ادا کیا۔ انہوں نے اس شاہراہ کی تعمیر کے دوران چینی عوام کی طرف سے دی جانے والی قربانیوں اور کوششوں کے لئے انتہائی احترام کا اظہار کیا۔وزیراعظم عمران خان نے دو دہائیوں پر محیط اپنے اتھلیٹ دور کو یاد کرتے ہوئے کہا کہ پاکستان کی قومی کرکٹ ٹیم کے سابق کپتان کی حیثیت سے میں بیجنگ اولمپک 2022کا منتظر ہوں یہ پہلا اولمپکس ہو گا جسے میں قریب سے دیکھوں گا۔ وزیراعظم عمران خان نے کہا کہ سیاست میں آنے کے بعد کھیلوں کا کوئی ایونٹ ذاتی طور پر دیکھنے کا موقع نہیں ملا اس لئے میں شدت سے اس کا منتظر ہوں۔ انہوں نے امید ظاہر کی کہ

جیسے جیسے پاکستان اور چین کے درمیان تعلقات مزید گہرے ہوتے جائیں گے دونوں ملکوں کے درمیان کرکٹ کے کھیل میں عوامی سطح پر مزید تبادلے ہوں گے۔ وزیراعظم نے کہاکہ اگر موقع میسر آیا تو ہم چینیوں کو کرکٹ کھیلنا سکھا سکتے ہیں تاکہ چین بھی ایک عظیم کرکٹ ٹیم تشکیل دے سکے۔ وزیراعظم نے کہاکہ ونٹر اولمپکس کی

میزبانی کرنا ایسے وقت میں جب کووڈ 19تیزی سے پھیل رہاہے آسان نہیں ہے۔ انہوں نے اس اولمپکس کی میزبانی میں چینی عوام کی کاوشوں کو سراہا۔ وزیراعظم نے کہاکہ کووڈ -19نے کھیلوں کے بڑے ایونٹ سمیت دنیا میں بہت ساری چیزوں کو تباہ کر دیا ہے ، ایسے حالات میں چین کی جانب سے ہی ونٹر اولمپکس کی کامیاب میزبانی ہو

سکتی ہے اور یہ ایک قابل تعریف اقدام ہے۔ وزیراعظم عمران خان نے کہاکہ چین میں ونٹر سپورٹس کے وسیع مواقع ہیں جبکہ شمالی پاکستان بھی سکائینگ ریسورسز سے مالا مال ہے تاہم اس سے بہتر فائدہ نہیں اٹھایا جاسکا۔انہوں نے توقع ظاہر کی کہ بیجنگ 2022ونٹر اولمپکس چین کے ساتھ ونٹر سپورٹس میں تعاون کا ایک موقع ہو

گی۔انہوں نے کہاکہ گلگت بلتستان اور خیبر پختونخوا کے کئی علاقے سکی ریزارٹس کے لئے شاندار ہیں اور سکائینگ ونٹر اولمپکس کے مقابلوں میں سب سے نمایاں ہے تاہم بدقسمتی سے اب تک پاکستان میں ہم اسے ترقی نہیں دے سکے ، ہم گلگت بلتستان میں مزید سکی ریزارٹس بنانے کی کوشش کر رہے ہیں جس کے بعد ہم چین کے

ساتھ ان کھیلوں میں مزید تعاون کرنے اور چینی کھلاڑیوں کی شاندار کارکردگی سے سیکھنے کی امید رکھتے ہیں۔ چینی سپرنگ فیسٹیول کے موقع پر وزیراعظم عمران خان نے چینی عوام کے لئے نیک خواہشات کا اظہار بھی کیا۔وزیراعظم نے کہاکہ چینی نئے قمری سال کی آمد سے پہلے ہر چینی کے لئے نیک خواہشات دینا چاہوں گا ، میں دونوں ممالک کے درمیان ایسے تعلقات کا خواہشمند ہوں جو دونوں ممالک کے لئے فائدہ مند ہو۔ انہوں نے سپرنگ فیسٹیول پر پاکستان کے عوام کی جانب سے چینی عوام کو مبارکباد پیش کی۔

موضوعات:

آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں


کالم



جنرل عاصم منیر کی ہارڈ سٹیٹ


میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…

تیسری عالمی جنگ تیار

سرونٹ آف دی پیپل کا پہلا سیزن 2015ء میں یوکرائن…