اسلام آباد(نیوز ڈیسک)سال 2026 کے آغاز پر سونے کی قیمتوں میں کمی کا رجحان برقرار ہے اور مسلسل چوتھے روز بھی سونا مزید سستا ہو گیا ہے۔آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونے کی قیمت میں 2400 روپے کی کمی آئی ہے، جس کے بعد ایک تولہ سونا 4 لاکھ 54 ہزار 562 روپے میں فروخت ہو رہا ہے۔

اسی طرح 10 گرام سونے کی قیمت بھی 2058 روپے گھٹ گئی ہے اور نئی قیمت 3 لاکھ 89 ہزار 713 روپے مقرر کی گئی ہے۔صرافہ ذرائع کے مطابق گزشتہ چار روز کے دوران مجموعی طور پر فی تولہ سونا 21 ہزار 100 روپے سستا ہو چکا ہے۔دوسری جانب عالمی مارکیٹ میں بھی سونے کے نرخ نیچے آئے ہیں، جہاں فی اونس سونا 24 ڈالر کمی کے بعد 4 ہزار 322 ڈالر پر آ گیا ہے۔