اسلام آباد(این این آئی)حکومت نے نئے سال پر عوام کو بڑا تحفہ دیتے ہوئے پیٹرولیم مصنوعات کی قیمتوں میں کمی کردی،پیٹرول 10روپے 28پیسے اورہائی سپیڈ ڈیزل 8روپے 57پیسے سستا کردیا۔پیٹرولیم ڈویژن سے جاری نوٹیفکیشن کے مطابق حکومت نے آئل اینڈ گیس ریگیولیٹری اتھارٹی (اوگرا)کی تجاویز کی بنیاد پر پیٹرولیم مصنوعات کی قیمت میں ردوبدل کردیا ہے۔

نوٹیفکیشن میں بتایا گیا کہ پیٹرولیم مصنوعات کی نئی قیمتوں کا اطلاق یکم جنوری 2026سے اگلے 15روز کیلئے ہوگا۔نوٹیفکیشن کے مطابق پیٹرول کی فی لیٹر قیمت میں 10روپے 28پیسے کمی کردی گئی ہے، جس کے بعد پیٹرول کی فی لیٹر نئی قیمت 257روپے 8پیسے مقرر کردی گئی جبکہ پرانی قیمت 265روپے 65پیسے تھی۔اسی طرح ہائی سپیڈ ڈیزل کی فی لیٹر قیمت میں 8روپے 57پیسے کمی کردی گئی ہے اور فی لیٹر نئی قیمت 253روپے 17پیسے ہوگئی ہے جبکہ اس سے قبل فی لیٹر قیمت 263روپے 45پیسے تھی۔