اسلام آباد (این این آئی)پاکستان تحریک انصاف کے رکن خیبر پختونخوا اسمبلی اور وزیر دفاع پرویز خٹک کے بھائی لیاقت خٹک نے الزام لگایا ہے کہ خیبر پختونخوا کے سرکاری دفاتر میں انتہا کی کرپشن ہورہی ہے۔ ایک انٹرویومیں لیاقت خٹک نے کہا کہ پی ٹی آئی کرپشن کے خاتمے کے نعرے کے ساتھ اقتدار میں آئی تھی مگر صوبے میں کرپشن ختم ہونے کے بجائے بڑھ چکی ہے۔لیاقت خٹک نے کہا کہ کوئی نیا پاکستان نہیں ہے، وہی پرانا پاکستان ہے جہاں ضلعی سرکاری دفاتر اور ترقیاتی کاموں میں کرپشن عروج کو پہنچ چکی ہے۔انہوں نے کہا کہ عمران خان کو کرپشن سے آگاہ کرنے کے لئے وقت مانگا تھا مگر وقت نہیں دیا گیا۔

موضوعات:لیاقت خٹک