لاہور( این این آئی)محکمہ ہائیرایجوکیشن نے 322 پرائیویٹ کالجز کو رجسٹریشن دینے سے انکار کر دیا جس کے باعث انٹر میڈیٹ پاس کرنے والے لاکھوں طلبہ کا مستقبل دائو پر لگ گیا۔

تفصیلات کے مطابق بی ایس آنرز میں داخلوں کیلئے 322 کالجز کی فائلز مسترد کر دی گئیں،ڈائریکٹوریٹ کالجز نے پرائیویٹ کالجزکی رجسٹریشن کی منظوری نہیں دی،پرائیویٹ کالجزمیں بی ایس آنرز میں نئے داخلے نہیں ہوسکیں گے۔بتایاگیا ہے کہ پرائیویٹ کالجزنے رجسٹریشن کی مطلوبہ دستاویزات 6 ماہ قبل جمع کرائیں،ڈائریکٹوریٹ تاحال کالجزکی فائلزپرلگائے اعتراضات بتانے سے گریزاں ہیں حالانکہ پالیسی کے تحت کالجز کی رجسٹریشن پر محکمہ ایک ماہ میں فیصلے کاپاپندہے،رجسٹریشن پالیسی پرعملدرآمدنہ ہونے سے کالجز نے وزیر اعلی سے نوٹس لینے کی اپیل ہے۔بی ایس آنرز ڈگریوں کی اجازت کیلئے325 میں سے3 کالجزکے کیسزمنظورہوئے،یکم فروری سے 31 مارچ تک پرائیویٹ کالجز کی درخواستیں جمع کرنالازمی ہے،ڈائریکٹوریٹ کالجز 30 اپریل تک درخواستوں پر حتمی فیصلہ کرنے کا پاپند ہے،درخواستوں کی سکروٹنی کے بعد 30جون تک این اوسی دینے کی ڈیڈ لائن ہے۔