دبئی (مانیٹرنگ ڈیسک ، این این آئی)گزشتہ روزپاکستان کیخلاف میچ میں شاہین آفریدی کے یارکر کا شکار بننے والے بھارتی اوپنر روہت شرما کا سوشل میڈیا پر مذاق اڑایا جانے لگا۔ سوشل میڈیا پر وائرل ہونیوالی ایک ویڈیو میں دیکھا اور سناجاسکتا ہے کہ سٹیڈیم میں موجود ایک

شائق بائونڈری لائن پر فیلڈنگ کرنیوالے روہت شرما کو مخاطب کرتے ہوئے کہہ رہا ہے کہ روہت گیند نظر آئی تھی کیا، نہیں نا۔دوسری جانبپاکستان کے ہاتھوں بھارت کی عبرتناک شکست پر صحافی نے کپتان ویرات کوہلی سے بھارتی کرکٹ ٹیم کے اوپننگ بیٹسمین روہیت شرما کو اگلے میچ کیلئے ٹیم سے ڈراپ کرنے سے متعلق سوال کرلیا۔تفصیلات کے مطابق گزشتہ شب ٹی ٹوئنٹی ورلڈ کپ کے پہلے میچ میں پاکستان کی تاریخی فتح کے بعد بھارتی کرکٹ ٹیم کے کپتان ویرات کوہلی نے پریس کانفرنس کی، اس دوران ایک صحافی نے اْن سے سوال کیا کہ اگلے میچ میں روہیت شرما کو ڈراپ کرکے ایشان کیشن کو شامل کرلیا جائے؟صحافی کے اس سوال پر پہلے تو بھارتی کپتان ویرات کوہلی طنزیہ انداز میں ہنسے اور پھر صحافی سے پوچھا کہ آپ کا سوال شاندار ہے جبکہ مجھے لگتا ہے کہ ہماری موجودہ ٹیم بہترین ہے، آپ کی اس بارے میں کیا رائے ہے؟’ویرات کوہلی نے صحافی سے پوچھا کہ کیا آپ روہیت شرما کو ٹی 20 انٹرنیشنل سے

ڈراپ کریں گے؟ کیا آپ جانتے ہیں کہ آخری بار روہیت کی ٹیم کے لیے کیا پرفارمنس تھی؟بھارتی کپتان نے طنزیہ انداز میں صحافی سے کہا کہ اگر آپ تنازع چاہتے ہیں تو براہ کرم مجھے پہلے بتائیں تاکہ میں اس کے مطابق جواب دے سکوں۔واضح رہے کہ گزشتہ شب پاکستان نے ورلڈکپ مقابلوں میں بھارت سے شکست کا جمود توڑ کر اسے چاروں شانے چت کرتے ہوئے 10 وکٹوں سے ہرادیا۔

Bht suun lia “kohli nahi hota tujh say chase”

On this historic day, we present you with “Rohit, ball nazar i thi kia, nahi na” ?#PakVsIndia pic.twitter.com/qJeezerN38

— Sadia A ?? (@DrSadiaA) October 24, 2021

موضوعات:روہت شرما