اسلام آباد (این این آئی)پاکستان مسلم لیگ (ن) کی ترجمان مریم اورنگزیب نے وزیراعظم عمران خان کے پرائس کنٹرول کمیٹیوں سے مہنگائی روکنے کے بیان کو مضحکہ خیز قرار دے دیا۔ اپنے بیان میں مریم اورنگزیب نے کہاکہ عمران صاحب آپ کی یقین دہانی، کمیٹی،

جھوٹ کی کوئی نئی کہانی نہیں بلکہ قوم کو آپ سے صرف نجات چاہیے۔ انہوں نے کہاکہ عمران صاحب عوام کو آپ سے نجات چاہیے،مہنگائی سے نجات کا واحد زریعہ عمران صاحب سے نجات ہے۔ انہوں نے کہاکہ عمران صاحب اب پرائس کنٹرول کمیٹیاں نہیں، عوام کو آپ کا استعفیٰ چاہیے،عمران صاحب قوم پر ایک احسان کریں کہ قوم پر کوئی احسان نہ کریں۔انہوں نے کہاکہ عمران صاحب ذخیرہ اندوز، منافع خور اور آٹاچینی دوائی چوروں کے خلاف کریک ڈاؤن وزیراعظم ہاؤس میں کریں۔ انہوں نے کہاکہ عمران صاحب اپنے دائیں بائیں دیکھیں، منافع خور، ذخیرہ اندوز اور چوروں کا ٹولہ نظر آجائے گا۔ انہوں نے کہاکہ عمران صاحب منافع خوروں اور ذخیرہ اندوزوں کے خلاف کریک ڈاون نہیں ہوسکتا کیونکہ انہیں آپ نے نیب ترمیمی آرڈیننس کے ذریعے این آر او دے دیا ہے،عمران صاحب آپ صرف اپنے مافیاز، اے ٹی ایمز کے لئے ”فلاحی منصوبے“یقینی بناسکتے ہیں،عمران صاحب آپ نے مہنگائی سے عوام کی جان نکال دی ہے۔ انہوں نے کہاکہ عمران صاحب نے اپنے مافیاز اور اے ٹی ایمز کوآٹا چینی دوائی گیس بجلی لوٹنے کا لائسنس دیا،مہنگائی کا عذاب مسلط کرنے، اس کی سرپرستی اور اپنے ہاتھوں منظوری دینے والے سے قوم کو نجات چاہیے،عمران صاحب قوم جان گئی کہ آپ عوام کی جیبوں پر ڈاکہ ڈالنے والے اے ٹی ایمز اور مافیاز کی جیبیں بھرنے کو یقینی بنارہے ہیں۔