ممبئی (مانیٹرنگ ڈیسک ٗاین این آئی)بالی ووڈ سپر سٹارشاہ رخ کے قریبی دوست نے اس بات کا انکشاف کیا ہے کہ سپر اسٹار خود کو بہت پرسکون اور مطمئن ظاہر کررہے ہیں لیکن درحقیقت وہ غم و غصے کی کیفیت سے دوچار ہیں۔اداکار کے دوست نے مزید بتایا کہ جب سے آریان منشیات کے کیس میں گرفتار ہوئے ہیں تب سے شاہ رخ ٹھیک طرح سے سو نہیں پائے، نہ ہی وہ صحیح سے کھانا کھا رہے
ہیں، بیٹے کی گرفتاری نے انہیں بالکل توڑ کر رکھ دیا ہے۔رپورٹس کے مطابق شاہ رخ کا خیال تھا کہ آریان کی ضمانت منظور ہوجائے گی اور وہ گھر لوٹ آئے گا جب کہ اداکار نے پیر سے اپنے کام کا دوبارہ آغاز کرنا تھا لیکن توقعات کے برعکس بیٹے کی ضمانت ممبئی کی مقامی عدالت نے مسترد کردی جس کے باعث اداکار نے اپنے کام کو ملتوی کردیا۔
دوسری جانب بالی ووڈ کے سینئر اداکار راج ببر نے بالی ووڈ کے کنگ خان کے بیٹے آریان خان کی ڈرگ کیس میں گرفتاری پر شاہ خان کی حمایت کرتے ہوئے کہا ہے کہ فائٹر کا بیٹا ہے، یقیناً فائٹ بیک کریگا۔ واضح رہے کہ گزشتہ اتوار کو ممبئی میں لنگر انداز گوا جانے والے کروز شپ پر جاری پارٹی میں منشیات استعمال کرنے کے الزام میں آریان خان سمیت کئی افراد کو نارکوٹکس کنٹرول بیورو کی جانب سے گرفتاری کے بعد سے کئی بالی ووڈ شخصیات نے شاہ رخ کی حمایت کی، ان میں اب نیا اضافہ ان کے مایا میم صاحب کے شریک اداکار راج ببر ہیں۔ اپنے ایک ٹوئٹر پیغام میں راج ببر نے کہا کہ سخت حالات سے شاہ رخ خان گھبرانے والے نہیں۔انہوں نے آریان کو فائٹر کا بیٹا بھی قرار دیا، انکا مزید کہنا تھا کہ آج آریان سخت حالات سے نبرد آزما ہوکر بہت کچھ سیکھ کر نکلیں گے، پلٹ کر اسکا مقابلہ کرینگے، میری نیک تمنائیں آریان کے ساتھ ہیں۔
