کراچی(آن لائن)لیجنڈ کامیڈین عمر شریف کے انتقال پر پی ٹی آئی کی جانب سے 3دن سوگ منانے کا اعلان۔ اپوزیشن لیڈر سندھ اسمبلی حلیم عادل شیخ نے سندھ اسمبلی میں پریس کانفرنس سے خطاب کیا ان کے ہمراہ پی ٹی آئی ایم این اے جئے پرکاش لوہانا،

ایم پی اے سعید آفریدی، راجہ اظہر، سینئر رہنما حاجی مظفر شجراع، عامر ابڑو،کاشف نظامی اور دیگر موجود تھے۔ حلیم عادل شیخ نے پریس کانفرنس سے خطاب کرتے ہوئے کہا کہ کسی ایشو پر بات کرنی تھی لیجنڈ اداکار عمر شریف کے انتقال پر 3 دن پارٹی سرگرمیاں معطل کرنے کا اعلان کرتے ہیں۔ ایک عظیم طنز ومزاح کے بڑے نام کا انتقال ہوچکا ہے سب کو ہنسانے والا پوری قوم کو رلا گیا۔ عمر شریف ایک بہت بڑا نام تھے پوری دنیا میں ان کی مقبولیت ہے۔عمر شریف ہم میں نہیں رہے۔ عمر شریف کی مغفرت کے لیے دعا کی گئی، اس لیے کوئی بات نہیں کرنا چاہتے،تحریک انصاف سندھ 3 روزہ سوگ کا اعلان کرتی ہے،ان کی کمی ہمیشہ محسوس کی جائے گی سندھ حکومت اور وفاقی حکومت کا مشکور ہوں بحیثیت ریاست صوبائی اور وفاقی حکومت نے بھرپور مدد کی پاکستان اپنے ہیروز کی قدر کرتا ہے عمر شریف کو ایوارڈز سے نوازہ گیا،وہ اپنے آپ میں ایک انجمن تھے اس ملک کے لیے عمر شریف سر کا تاج تھے پوری قوم عمر شریف کو سلام پیش کرتی ہے پوری قوم انہیں خراج تحسین پیش کرتی ہے۔