لاہور(این این آئی)پاکستانی نوجوان زین اشرف مغل نے ایک اور بین الاقوامی ایوارڈ پاکستان لے آئے۔آئی ایس ڈی بی اچیومنٹ ایوارڈ کے لئے چاربراعظموں کے 57 اسلامی ممالک میں سے پہلی بارپاکستانی نوجوان کوایوارڈ سے نوازاگیا ہے، زین اشرف مغل کاکہنا ہے آئی ایس ڈی بی کا پہلا ایوارڈ امریکہ، دوسرا پاکستان نے جیتاہے، 32 سالہ اسلامی معاشی تاریخ میں پہلی بار ایوارڈ پاکستان کے نام ہوا ہے۔زین اشرف مغل نے کورونا کے دوران ہزاروں خاندانوں کومعاشی طورپراپنے پاؤں پرکھڑاکرنے کے لئے کام کیا جب کہ مالی پریشانیوں کی وجہ سے تعلیم چھوڑنے والے ہزاروں بچوں کو واپس سکولوں میں بھجوایاہے۔زین اشرف کامن ویلتھ، چمپئن آف چینج ایوارڈز حاصل، فوربز سوشل انٹرپرینور انڈر 30 فہرست میں شامل ہیں جب کہ وہ پرائم منسٹر نیشنل یوتھ کونسل کے ممبر بھی ہیں۔