اسلام آباد (مانیٹرنگ ڈیسک، این این آئی )پاکستان مسلم لیگ (ن )نے پاکستان تحریک انصاف کی حکومت کی 3 سالہ کارکردگی کے اشتہار میں بھارتی تصاویر استعمال کرنے کا الزام لگا دیا۔ تفصیلات کے مطابق پاکستان مسلم لیگ ن کی ترجمان مریم اورنگزیب نے دعویٰ کیا ہے
کہ حکومت نے اپنی تین سال کی کارکردگی دکھانے کے لئے بھارتی ویب سائٹ کی تصویریں استعمال کی ہیں۔سماجی رابطوں کی ویب سائٹ ٹوئٹر پر جاری کردہ اپنے ایک پیغام میں انہوں نے کہا کہ جعلساز عمران صاحب نے تین سال کی اپنی کارکردگی دکھانے کے لیے بھارتی ویب سائٹ کی تصویر یں استعمال کی ہیں۔ ن لیگی ترجمان نے ویب سائٹ کا لنک شیئر کرتے ہوئے کہا کہ اس لنک سے عمران خان حکومت کی کارکردگی رپورٹ کے ثبوت بمع تصویر دیکھے جاسکتے ہیں۔دوسری جانب وفاقی وزیر اطلاعات ونشریات چوہدری فواد حسین نے کہاہے کہ پاکستان پر جن پارٹیوں نے 30سال حکومت کی وہ منہ چھپا رہے ہیں۔ میڈیا سے گفتگو کرتے ہوئے فواد چوہدری نے کہاکہ پاکستان پر جن پارٹیوں نے 30سال حکومت کی وہ منہ چھپا رہے ہیں،تین سالہ کارکردگی کا جائزہ فخر سے پیش کریں گے۔ انہوں نے کہاکہ وزیراعظم عمران خان تمام وزارتوں کی کارکردگی پیش کرینگے،تمام وزارتوں کی کارکردگی پیش کرنا نئی روایت ہے۔
وزیر اطلاعات نے کہاکہ موجودہ حکومت نے کسان کے فائدے کیلئے کئی اقدامات کیے ہیں،موجودہ حکومت نچلے طبقے کیلئے احساس پروگرام لائی ہے۔ انہوں نے کہاکہ سائنس و ٹیکنالوجی سمیت کئی شعبوں میں جدت لائے ہیں،افغانستان میں پاکستان کے کردار کی دنیا معترف ہے۔ وفاقی وزیر نے کہاکہ افغان مسئلے کے حل کیلئے کردار ادا کر رہے ہیں،وزیراعظم عمران خان کنونشن میں اگلی حکومت کا بھی لائحہ عمل دیں گے۔
Breaking news جعلساز عمران صاحب نے تین سال کی اپنی کارکردگی دکھانے کے لئے بھارتی ویب سائٹ کی تصویر یں استعمال کی ہیں۔ https://t.co/w5sjzYvTLAلنک سے عمران خان حکومت کی” کارکردگی“ رپورٹ کے ثبوت بمع تصویر دیکھے جاسکتے ہیں۔ #جعلساز_کے_تین_سال pic.twitter.com/ccQZUUPXxm
— Marriyum Aurangzeb (@Marriyum_A) August 26, 2021
