پشاور(آن لائن )نان فائلرز کے بجلی بلز پر 12فیصد ود ہولڈنگ ٹیکس نافذ کردیا ہے پیسکو ،ٹیسکو سمیت دیگرڈسٹری بیوشن کمپنیوں نے بھی اس پر عمل درآمد کرنا شروع کردیا ہے جس سے صارفین کی چیخیں نکل جائیگی ۔ اس ٹیکس کااطلاق رواں سال کی یکم جولائی
سے کر دیا گیا ہے یہ ود ہو لڈنگ ٹیکس صرف ان صارفین پر نافذ ہو گا جن کے نام فیڈرل بورڈ آف ریونیو کی جانب سے جاری کردہ ٹیکس جمع کروانے والوں کی فہرست میں نہیں ہیں رہائشی صارفین پر اس صورت میں یہ 7.5فیصد ٹیکس نافذ ہو گا۔ اگر مالی سال کے دوران ان کا بل کسی بھی مہینے 25ہزار روپے یا اس سے زائد ہوگا ، صنعتی و تجارتی صارفین جن کا بل 500روپے سے 20 ہزارروپے کے درمیان ہو گا ان پر یہ ٹیکس بل کی رقم سے10 فیصد شرح سے نافذ ہو گا۔ 20ہزارروپے سے زائد کی رقم پر کمرشل صارفین کو 12فیصد کی شرح سے ود ہو ہولڈنگ ٹیکس دینے کے ساتھ 1950روپے کا اضافی طے شدہرقم بھی اد ا کرنا ہو گی ۔ پیسکو ، ٹیسکو ، میں اسے نافذ العمل کردیا گیا ہے۔ اب صارفین اپنا اندراج ایف بی آر ٹیکس بھروانے والوں کی فعال فہرست میں کروائینگے ۔ تاکہ ود ہولڈنگ ٹیکس کی یہ رقم اپناسالانہ ٹیکس ریٹرن میں دوبارہ وصول کر سکیں گے واضح رہے کہ نئے مالی سال کے بجٹ میں وفاقی حکومت کی جانب سے کئے گئے اعلان کے مطابق ایسے نافذ ٹیکس پروفائل رہائشی صارفین جن کا بجلی کا بل 25ہزار روپے سے زائدہیں ان پر 7,5فیصد ود ہو لڈنگ ٹیکس نافذ کیا جائے گا۔
