لاہور(این این آئی ) یونیورسٹی آف انجینئرنگ اینڈ ٹیکنالوجی کے طلبہ کا انوکھا کارنامہ، کھٹارا 100 سی سی موٹر سائیکل کو الیکٹرک بائیک میں بدل دیا۔ مکینیکل انجینئرنگ کے طلباء نے ڈاکٹر محمد عثمان کی نگرانی میں اپنے فائنل ائیر پروجیکٹ پر کام کرتے ہوئے پرانی

موٹر سائیکل کو الیکٹرک موٹر سائیکل میں تبدیل کر دیا۔ موٹر سائیکل میں انجن کی جگہ الیکٹرک موٹر، بیٹری اور کنٹرولر استعمال کیئے گے۔موٹر سائیکل تین گھنٹے میں ریچارج ہونے کے بعد 80سے90کلومیٹر سفر طے کر سکے گی جبکہ اس کی انتہائی رفتا 65کلومیٹر فی گھنٹہ ہو گی۔اس موٹر سائیکل میں ریورس موشن کے ساتھ ساتھ رفتار کے تین موڈ ایکون، اربن، اور اسپورٹس بھی موجود ہیں۔ڈاکٹر محمد عثمان کاکہا ہے کہ گلوبل وارمنگ ایک سنگین مسئلہ اختیار کر چکا ہے جس کی سب سے بڑی وجہ فوصل اینڈھن کا غیر متناسب استعمال ہے لہذا اس طرح کی ایجادات سے فضائی آلودگی سے کافی حد تک بچا جا سکے گا اوریو ای ٹی کی جانب سے بنائی جانے والی الیکٹرک موٹرسائیکل جدید ضروریات کی پاسداری کرتی ہے اور کاربن فٹ پرنٹ کم کر کے پٹرول پر چلنے والے موٹرسائیکل/اسکوٹر کا ماحول دوست متبادل پیش کرتا ہے۔ اس موقع پر وائس چانسلر یو ای ٹی پروفیسر ڈاکٹر سید منصور سرور، ڈین فیکلٹی آف مکینیکل انجینئرنگ پروفیسر ڈاکٹر ندیم احمد مفتی، چیئرمین مکینیکل انجینئرنگ ڈیپارٹمٹ پروفیسر ڈاکٹر ناصر حیات بھی موجود تھے۔ انہوں نے طلباکی اس کارکردگی کو سراہتے ہوئے اس پروجیکٹ کو کمر شلائزکر نے پر تبادلہ خیال کیا۔