لاہور(این این آئی) اسکردو ہوائی اڈے کو انٹرنیشنل ایئرپورٹ کا درجہ دینے کا فیصلہ کر لیا گیا جس کے بعد عالمی پروازوں کی آمد بھی ہوسکے گی۔اسکردو ایئرپورٹ کے

حوالے سے ڈائریکٹر ایئر ٹرانسپورٹ نے ایوی ایشن ڈویثرن کو مراسلہ جاری کردیا ہے۔سول ایوی ایشن اتھارٹی نے کہا ہے کہ اس اقدام کی بدولت عالمی پروازوں کی آمد سے سیاحت کو فروغ اور زرمبادلہ میں بھی اضافہ ہوگا، اسکردو میں صرف ڈومیسٹک پروازوں کے لیے ایئرپورٹ موجود ہے۔سی اے اے نے بتایا کہ اسکردو کو پاکستان میں عالمی پروازوں کے روٹس سے جوڑنا ہے۔اس ضمن میں سول ایوی ایشن اتھارٹی کا مزید کہنا ہے کہ اسکردو ایئرپورٹ معاہدوں کے تحت نامزد غیر ملکی ائیرلائنز کے لیے دستیاب ہوسکتا ہے۔خیال رہے کہ ساڑھے 7ہزار فٹ بلندی پر قائم اسکردو ایئرپورٹ بلند ترین ایئرپورٹس میں شمار کیا جاتا ہے۔ بین الاقوامی فلائٹ آپریشن کے لیے اس ایئرپورٹ پر رواں سال کے آغاز سے کام جاری ہے۔

موضوعات:سکردو