پشاور(این این آئی)خیبرپختونخوا کے مختلف اضلاع میں طوفان اورتیز بارش کاامکان ہے۔محکمہ موسمیات کے مطابق خیبرپختونخوا میں بارش اور تیز ہوائیں چلیں گی، ایبٹ آباد، ہری پور، مانسہرہ، چترال،بونیر ،سوات ، دیر، کوہستان، بونیر، شانگلہ میں بارش کا امکان ہے نوشہرہ ،پشاور ،چارسدہ، کرم میں بھی بارش ہوسکتی ہیں۔محکمہ موسمیات کا کہنا ہے کہ
بارش کے باعث لینڈ سلائیڈنگ اور طغیانی آسکتی ہے۔محکمہ موسمیات کے مطابق گزشتہ چوبیس گھنٹوں میں صوبے میں سب سے زیادہ بارش کاکول میں 44 ملی میٹر ریکارڈ کی گئی ہیجبکہ مالم جبہ 22، پاڑہ چنار 17، کالام 7، بالاکوٹ 5، دیر بالا میں 26 ملی میٹر بارش ریکارڈ کی گئی۔ صوبے میں سب سے زیادہ درجہ حرارت پشاور میں 35 ڈگری سینٹی گریڈ ریکارڈ کیا گیا ہے۔ڈی آئی خان میں درجہ حرارت 34، بنوں 33، چترال 33، سیدو شریف میں 32 ڈگری سینٹی گریڈ ریکارڈ کیا گیاہے۔ دوسری جانب بھارت میں مون سون بارشوں نے تباہی مچادی، شدید بارشوں سے گھر بہہ گئے، لینڈ سلائیڈنگ اور سیلابی صورتحال پیدا ہوگئی، مون سون سیزن میں اموات کی تعداد 230 سے تجاوز کرگئی ہے۔راجستھان میں ریڈ الرٹ جبکہ دہلی میں اورنج الرٹ جاری کردیا گیا،ادھرماہرین نے کہاہے کہ موسمیاتی تبدیلی کی وجہ سے جون سے ستمبر تک مون سون بارشوں کی شدت میں اضافہ ہوا ہے۔بھارتی ٹی وی کے مطابق بھارتی ریاست مغربی بنگال میں جاری شدید بارشوں کے سبب کرنٹ لگنے اور گھر گرنے سے متعدد افراد ہلاک ہوئے۔جھاڑ کھنڈ میں پانچ دن سے جاری شدید بارش سے سیلابی صورتحال پیدا ہوگئی۔ریاست مہاراشٹرا میں مون سون بارشوں سے کم از کم 200 افراد ہلاک ہوئیں۔ہماچل پردیش میں سات افراد لینڈ
سلائیڈنگ سے ہلاک ہوئے۔بھارتی محکمہ موسمیات نے دہلی، اترپردیش، ہریانہ اور راجستھان میں طوفانی بارش کی پیشگوئی کردی۔راجستھان میں ریڈ الرٹ جبکہ دہلی میں اورنج الرٹ جاری کردیا گیا ہے۔ادھرماہرین کا کہناتھا کہ موسمیاتی تبدیلی کی وجہ سے جون سے ستمبر تک مون سون بارشوں کی شدت میں اضافہ ہوا ہے۔
