کابل(این این آئی)افغانستان میں اربوں ڈالر خرچ کرنے والا بھارت نئی صورت حال سے پریشان ہوگیا جبکہ بھارتی میڈیا بھی بوکھلا گیا۔بھارتی میڈیا کا کہنا تھا کہ طالبان نے ہرات میں بھارتی فنڈ سے بنے ڈیم پر قبضہ کر لیا جبکہ افغان حکومت اور طالبان نے بھارتی میڈیا رپورٹس کی تردید کردی۔ بھارت نے کابل میں اپنے سفارت خانے کے
علاوہ مزار شریف اور قندھار میں قونصل خانوں سے 500 کے قریب اسٹاف کو نکالنے کی تیاری مکمل کر لی ہے۔ دوسری جانب سعودی عرب کی النہضہ ڈیم کی وجہ سے پیدا ہونیوالے تنازع پر مصر اور سوڈان کے پانی کے جائز حقوق کی حمایت کا اعادہ کیا ہے۔سعودی پریس ایجنسی کے مطابق ایک بیان میں کہا گیا مملکت نے مصر سوڈان عرب دنیا اور افریقی براعظم کے لیے پانی کے حقوق کے تحفظ کی اہمیت کا اعادہ کیا۔بیان میں کہا گیا کہ مملکت پانی کے بحران پر قابو پانے کے لیے عرب جمہوریہ مصراور جمہوریہ سوڈان کی کوششوں اور دونوں ملکوں کے پانی کے حقوق کے لیے بین الاقوامی قانون کے مطابق ان کے مطالبات کی حمایت کرتی ہے۔سعودی عرب نے بھی اس بحران کے خاتمے کے لیے ایک جامع حل تلاش کرنے کے بین الاقوامی اقدامات کے لیے اپنی حمایت کی یقین دہانی کرائی ہے۔سعودی عرب نے بین الاقوامی برادری سے مطالبہ کیا کہ وہ مصر، سوڈان اور ایتھوپیا کیدرمیان ان ممالک کے مفادات کے مطابق دریائے نیل کے پانی کے مسئلے کے منصفانہ اور دیر پا حل کے لیے اقدامات کرے۔ بیان میں کہا گیا کہ دریائے نیل کے پانی کے تنازع کو بین الاقوامی قوانین کے تحت عرب لیگ اور افریقی یونین کی نگرانی میں حل کیا جانا چاہیے۔
