کوئٹہ(این این آئی)پشتونخواملی عوامی پارٹی کے رہنما و سابق سینیٹر عثمان خان کاکڑ کی موت کی تحقیقات کیلئے قائم جوڈیشل کمیشن نے بیان قلمبند کرانے والوں کو 10جولائی تک اپنے نام ایڈیشنل رجسٹرارہائیکورٹ آف بلوچستان ارشد محمود کے پاس درج کرانے کی ہدایت کردی۔
حکومت بلوچستان کی جانب سے پشتونخواملی عوامی پارٹی کے رہنما سابق سینیٹر عثمان خان کاکڑ کی موت کی تحقیقات کیلئے بلوچستان ہائیکورٹ کے جج جسٹس نعیم اختر افغان اور جسٹس نذیراحمدلانگو پر مشتمل جوڈیشل کمیشن نے وارثین و اقربا سابق سینیٹر عثمان کاکڑ، عوام الناس میں سے کوئی بھی شخص جو اس بارے میں کوئی معلومات رکھتا ہو بشمول قانون نافذ کرنے والے اداروں کے ملازمین ،افسران جن کا کسی بھی صورت کوئی تعلق براہ راست یا بلاواسطہ بصورت انجام دہی فرائض منصبی و دیگر اور تمام متعلقہ اشخاص ،ملازمین ،افسران ،ضلعی انتظامیہ اگر اس معاملے میں کسی بھی قسم کی کوئی بھی معلومات دینا چاہتے ہیں یا اپنا بیان قلمبند کرواناچاہتے ہیں انکو ہدایت کی ہے کہ وہ اپنا نام بمعہ کوائف ایڈیشنل رجسٹرار ہائیکورٹ آف بلوچستان ارشد محمود کے دفتر میں دفتری اوقات میں 10جولائی تک درج کرائیںکمیشن کی کارروائی کی تاریخ،وقت اور جگہ کے بارے میں بعد میں آگاہ کیا جائے گا۔
