لاہور( این این آئی)رائے ونڈ روڈپر واقع نیو لاہور پارک میں لڑکیوں کے ہاسٹل میں آتشزدگی کے نتیجے میں لڑکی اور خاتون جاں بحق جبکہ دوزخمی ہو گئیں ،آگ لگنے سے کمروںمیں دھواں بھر گیا ،اطلا ع ملتے ہی امدادی ٹیمیں موقع پر پہنچ گئیں اور امدادی کارروائیوں کا آغاز کر دیا گیا ۔ بتایا گیا ہے کہ رائے ونڈ روڈ پرواقع نیو لاہور پارک میں لڑکیوں کے ہاسٹل میں اچانک آگ بھڑی اٹھی جس سے پوری عمارت میں دھواں بھر گیا ۔ایدھی ترجمان کے مطابقدھواں زیادہ ہونے کے باعث 4 لڑکیاں بیہوش ہو گئیں جنہیں ریسکیو کر کے ہسپتال منتقل کر دیا گیاجن میں سے 18 سالہ لڑکی اور 40 سالہ خاتون دم توڑ گئیں ۔پولیس نے جاں بحق ہونے والی لڑکی اور خاتون کی لاش کو قانونی کارروائی کے بعد مردہ خانے منتقل کر دیا ۔