ممبئی(این این آئی) بالی ووڈ اداکار شاہ رخ خان نے اکشے کمار کے ساتھ فلم نہ کرنے کی وجہ بتادی۔ایک انٹریو میں بالی ووڈ کے رومانس کنگ شاہ رخ خان سے پوچھا گیا کہ انہوں نے آج تک اکشے کمار کے ساتھ کوئی فلم کیوں نہیں کی جس پر شاہ رخ خان نے میزبان کو حقیقت پر مبنی جواب دیا۔شاہ رخ خان نے کہا کہ میں اس پر کیا
بات کروں، دراصل میں صبح جلدی نہیں اٹھ سکتا جیسے اکشے کمار صبح جلدی اٹھنے کا عادی ہے اور جس وقت اکشے کمار اٹھتے ہیں وہ تو میرے سونے کا وقت ہے تو ہم ایک ساتھ کام کیسے کرسکتے ہیں۔شاہ رخ خان کا کہنا تھا کہ جس وقت میں اٹھ کر اپنی شوٹنگ کا آغاز کرتا ہوں تب تک اکشے کمار اپنی شوٹنگ مکمل کرنے کے بعد گھر جانے کی تیاری کررہا ہوتا ہے اور میں صرف رات کو کام کرنا پسند کرتا ہوں، بہت کم لوگ میری طرح رات میں کام کرتے ہیں۔کنگ خان نے مزید کہا کہ میں اکشے کے ساتھ کام کرنا چاہتا ہوں لیکن ہماری شوٹنگ کے لیے ایک وقت نکالنا ممکن نہیں ہوگا، اگر کسی فلم می ہم نے ساتھ کام بھی کیا تو مجھے یقین ہے فلم کے سیٹ پر میری اور اکشے کمار کی ملاقات کبھی نہیں ہوپائے گی کیوں کہ وہ جارہا ہوگا اور میں آرہا ہوں گا۔واضح رہے شاہ رخ خان اور اکشے کمار نے صرف فلم ’دل تو پاگل ہے‘ میں ایک ساتھ کام کیا ہے تاہم اس میں بھی دونوں کے ایک ساتھ بہت کم سین ہیں اس کے علاوہ وہ ایک دوسرے کی فلموں ’ہے بے بی‘ اور ’اوم شانتی اوم‘ کے گانوں میں مختصر کردار ادا کرچکے ہیں۔دوسری جانب بالی وڈ کی سپر ہٹ فلم ‘منا بھائی ایم بی بی ایس’ کے مشہور کردار سرکٹ کی شادی کے برسوں بعد گتھی سلجھ گئی۔فلم ’منا بھائی ایم بی بی ایس’ 2003 میں ریلیز ہوئی تھی جس میں
سنجے دت نے ‘منا’ جبکہ ارشد وارثی نے ‘سرکٹ’ کا کردار نبھایا تھا۔اس فلم کے اختتام پر منا اور سرکٹ کی شادی کا بتایا گیا تھا تاہم اب برسوں بعد سوشل میڈیا صارفین نے سرکٹ کی شادی کس سے ہوئی اس کا پتا لگا لیا ہے۔انسٹاگرام پر ایک میم شیئر کی گئی جس میں فلم میں کام کرنے والی نرس اور سرکٹ کی بیوی کی تصاویر لگائی
گئیں۔ ساتھ میں پوچھا گیا تھا کہ آپ کی کتنی عمر تھی جب آپ کو سرکٹ کی فلم میں نرس سے شادی کا معلوم ہوا؟اس پر متعدد صارفین نے جواب دیا کہ انہیں آج ہی سرکٹ کی اہلیہ کا معلوم ہوا ہے۔ ایک صارف نے فلم کے کردار سرکٹ کے ہی انداز میں کہاکہ ’اب بھائی نے ڈاکٹر کے ساتھ شادی کیا تو اپنا کو کم سے کم نرس مانگتا ہے نا۔
