اسلام آباد (مانیٹرنگ ڈیسک )شمالی کوریا میں جاری معاشی بحران کے دوران مہنگائی کا سونامی آیا ہوا ہے اور شہریوں کو کافی کپ 100 ڈالر اور چائے 70 ڈالر میں مل رہی ہے ۔ غیر ملکی ذرائع ابلاغ کے مطابق شمالی کوریا کے لیڈر کم جونگ ان نے اعتراف کیا ہے کہ ان کے

ملک کو خراب معاشی صورتحال کا سامنا کرنا پڑ رہا ہے اور ملک میں اشیائے خوردو نوش کی قلت ہے۔نجی ٹی وی ٹوئنٹی فور کے مطابق عالمی وبا کورونا کی وجہ سے سرحدیں بند ہونے کے باعث معاشی بحران بڑھتا جا رہا ہے۔ مبصرین کا کہنا ہے شمالی کوریا میں غذائی قلت اور مہنگائی کی ایک بنیادی وجہ جوہری پروگرام کے خلاف عائد کی جانے والی پابندیاں ہیں۔شمالی کورین لیڈر کم جونگ نے اس بحران کے حل کے لئے موثر اقدامات کا وعدہ کیا۔ مگر انہیں مشکل حالات کا سامنا ہے اور ان کے پاس آپشنز بہت کم ہیں۔شمالی کوریا کا زراعت کا شعبہ گذشتہ سال ہونے والے نقصان کی نسبت قدرے بہتر ہے۔ گھریلو اشیائے خوردونوش کی درآمد میں کافی مشکلات ہیں کیونکہ سرحدیں کورونا وائرس کی وجہ سے بند ہیں۔