گوجرانوالہ (مانیٹرنگ +این این آئی) گوجرانوالہ پولیس نے بغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا
مطالبہ کیا جارہا تھا۔ملزم پر خواتین سے غیراخلاقی حرکات، اسلحہ کے زورپرگالم گلوچ کرنے کے الزام میں مقدمہ درج کرلیاگیا۔ گرفتار یو ٹیوبرز کا کہنا ہے کہ میرا ٹیوب چینل ہے اور گزشتہ دنوں خواتین پر ایک ویڈیو بنائی تھی اور ان کی تذلیل کی تھی جس پر میں معافی چاہتا ہوں اور میں نے اپنے فالوورز بڑھانے کے لئے ایسا کیا جس پر میں معافی چاہتا ہوں اور آئندہ ایسی ویڈیو نہ بنانے کا وعدہ کرتا ہوں، واضح رہے کہ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے۔ ایس پی صدر عبدالوہاب کے مطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی۔ دوسری جانب صحافی کے بھائی کا موبائل فون جیب سے چوری پانچ روز گزر گئے تاحال تھانہ صدر پتوکی پولیس نے مقدمہ درج نہ کیا صحافی برادری کا ڈی پی او قصور عمران کشور سے فوری طورپر نوٹس لینے کا مطالبہ گزشتہ روز پتوکی کے علاقہ لبانہ چک نمبر 37 میں نماز جنازہ کی ادائیگی کے دوران ممبر
پریس کلب رجسٹرڈ پتوکی صحافی سید قنبر عباس کے حقیقی بھائی کا موبائل فون نامعلوم چوروں نے جیب سے نکال کر چوری کرلیا مقدمہ مدعی سید ارتضی نے مقدمہ اندراج کیلئے تھانہ صدر پتوکی میں تحریری درخواست دے دی پانچ روز گزر گے کوئی سراغ نہ مل سکا اور نہ ہی نامعلوم چوروں کے خلاف مقدمہ درج کیا گیا ہے جنرل سیکرٹری پریس کلب رجسٹرڈ پتوکی نوید بھٹی نے گفتگو کرتے ہوئے کہا کہ ڈی پی او قصور عمران کشور فوری طورپر نوٹس لیکر مقدمہ درج کرنے کا حکم دیں اور ملزمان کی ٹریسنگ و گرفتاری کیلئے سپیشل ٹیم تشکیل دیں۔
