بدھ‬‮ ، 09 جولائی‬‮ 2025 

میں عمران خان کے ساتھ کھڑا ہوں ،وفاقی وزرا، سینئر ارکان میدان میں آگئے،جہانگیر ترین گروپ کے اعلان کے بعد وزیراعظم کی حمایت میں سوشل میڈیا پر مختلف ہیش ٹیگز کا ٹرینڈ

datetime 19  مئی‬‮  2021
ہمارا واٹس ایپ چینل جوائن کریں

اسلام آباد (این این آئی)پاکستان تحریک انصاف کی ریڑھ کی ہڈی سمجھے جانے والے جہانگیر ترین کی جانب سے پارٹی میں علیحدہ گروپ تشکیل دینے کی اطلاعات کے بعد پی ٹی آئی اراکین کی جانب سے وزیراعظم کو بھرپور حمایت کا یقین دلایا گیا ۔گزشتہ روز جہانگیر ترین گروپ کی اطلاع سامنے آنے کے بعد سے ہی سوشل میڈیا پر

#IstandWithImranKhan اور #BehindYouSkipper کے ساتھ ساتھ #JKTexposedHimself کے ہیش ٹیگز ٹرینڈ کرتے رہے اور عام کارکنان کے علاوہ پی ٹی آئی سے تعلق رکھنے والے وزرا بھی تجدید عہد وفا کرنے میں پیش پیش دکھائی دیئے۔خیال رہے کہ گزشتہ روز جہانگیر ترین کی جانب سے قومی اور پنجاب اسمبلی میں اپنے گروپ کے پارلیمانی رہنماؤں کے ناموں کا اعلان سامنے آیا تھا۔مذکورہ پیش رفت پر مسلم لیگ (ن) سے تعلق رکھنے والے افراد نے پی ٹی آئی کے حامیوں کو یاد دلایا تھا کہ نون (مسلم لیگ) میں ش (شہباز شریف) نکالتے نکالتے وہ پی ٹی آئی میں سے ٹی (ترین) سے ہی محروم ہوگئے۔جہانگیر گروپ’ پر رد عمل دیتے ہوئے وزیر خارجہ شاہ محمود قریشی نے کہا کہ پارٹی کا کوئی بھی رکن اعتماد کا ووٹ اور فنانس بل پر پارٹی کے قواعد کی خلاف ورزی نہیں کرسکتا اور تمام دوست اس بات سے واقف ہیں کہ اگر انہوں نے حکومت کی حکمت عملی کو سپورٹ نہیں کیا تو ان کی رکنیت متاثر ہوسکتی ہے۔انہوں نے کہا کہ مجھے یقین ہے کہ وہ ایسا نہیں کریں گے اور دیکھنا ہوگا کہ وہ ایسا کیوں کررہے ہیں۔انہوں نے کہا کہ ‘وزیر اعظم عمران خان سے ملاقات کیبعد علی ظفر کو انکوائری کی ذمہ داری دی گئی اور وہ جلد اپنی رپورٹ پیش کریں گے لیکن اس

دوران اتنی عجلت دکھانا بے معنی ہے۔شاہ محمود قریشی نے کہا کہ ان صاحبان کو فیصلہ کرنا چاہیے کہ وہ عمران خان کو اپنا لیڈر مانتے ہیں تو ان کے فیصلوں پر آمادگی کا اظہار کریں۔دوسری جانب مائیکرو بلاگنگ ویب سائٹ پر وفاقی وزیر اسد عمر نے اپنے پیغام میں مذکورہ بالا ہیش ٹیگز استعمال کرتے ہوئے لکھا کہ میرا نام اسد عمر ہے اور میں عمران خان کے ساتھ کھڑا ہوں۔اسی طرح وزیر سائنس اینڈ ٹیکنالوجی شبلی فراز نے وزیر اعظم

کو اپنی حمایت کی یقین دہانی کرواتے ہوئے لکھا کہ عمران خان ہی اس ملک کو اندھیروں سے نکالنے کی آخری آس ہے۔وزیر بحری امور علی زیدی نے پیغام میں لکھا کہ میں علی زیدی ہوں اور جو تھوڑی بہت بھی اہمیت رکھتا ہوں اس کے ساتھ عمران خان کے ساتھ کھڑا ہوں۔ان کے علاوہ نیب ریفرنس کا سامنا کرنے والے پی ٹی آئی کے سینئر صوبائی وزیر عبدالعلیم خان نے بھی کپتان کو اپنی حمایت کا یقین دلایا۔

موضوعات:

آج کی سب سے زیادہ پڑھی جانے والی خبریں


کالم



ساڑھے چار سیکنڈ


نیاز احمد کی عمر صرف 36 برس تھی‘ اردو کے استاد…

وائے می ناٹ(پارٹ ٹو)

دنیا میں اوسط عمر میں اضافہ ہو چکا ہے‘ ہمیں اب…

وائے می ناٹ

میرا پہلا تاثر حیرت تھی بلکہ رکیے میں صدمے میں…

حکمت کی واپسی

بیسویں صدی تک گھوڑے قوموں‘ معاشروں اور قبیلوں…

سٹوری آف لائف

یہ پیٹر کی کہانی ہے‘ مشرقی یورپ کے پیٹر کی کہانی۔…

ٹیسٹنگ گرائونڈ

چنگیز خان اس تکنیک کا موجد تھا‘ وہ اسے سلامی…

کرپٹوکرنسی

وہ امیر آدمی تھا بلکہ بہت ہی امیر آدمی تھا‘ اللہ…

کنفیوژن

وراثت میں اسے پانچ لاکھ 18 ہزار چارسو طلائی سکے…

دیوار چین سے

میں دیوار چین پر دوسری مرتبہ آیا‘ 2006ء میں پہلی…

شیان میں آخری دن

شیان کی فصیل (سٹی وال) عالمی ورثے میں شامل نہیں…

شیان کی قدیم مسجد

ہوکنگ پیلس چینی سٹائل کی عمارتوں کا وسیع کمپلیکس…