لاہور(این این آئی)سرکاری سپتال میں عوام کو پیسے کے عوض کرونا ویکسین لگانے والے محکمہ صحت کے عملے کے خلاف بڑی کارروائی کردی گئی ہے۔صحت پنجاب کی جانب سے جاری بیان کے مطابق لاہور میں ویکسین سینٹرز میں پیسے لے کر ویکسین لگانے کی حقیقت سامنے آگئی ہے، محکمہ صحت نے فوری کارروائی کرتے ہوئے اٹھارہ ملازمین کو معطل کردیا ہے اور ان کی معطلی کا نوٹیفکیشن بھی جاری کردیا گیا ہے۔محکمہ صحت کے مطابق واقعہ پی کے ایل آئی میں پیش آیا تھا، جہاں ملازمین پیسے لے کر
عوام کو ویکسین لگارہے تھے، معطل کئے گئے ملازمین لوگوں سے پیسے لے کر انہیں قطاروں سے بچاتے تھے۔محکمہ صحت پنجاب کے مطابق پیسے لے کرویکسین لگانے والے ملازمین کو شوکاز بھی جاری کئے تھے بعد ازاں انکوائری میں الزام ثابت ہونے پر تمام ملازمین کومعطل کیا گیا۔معطل ہونے والوں میں نواز جوہن، سجاد علی، محمد تنویر، بابر علی، کرامت علی، امجد علی، تیمور فیاض، محمد یوسف، فقیر حسین ودیگربھی شامل ہیں ، معطل ملازمین کو ہدایت کی گئی ہے کہ وہ اپنے دفاتر میں رپورٹ کریں۔
