اسلام آباد (این این آئی)چترال اور گلگت و بلتستان میں گلاف الرٹ جاری کردیا گیا۔ محکمہ موسمیات کے مطابق اگلے تین دنوں میں گلگت بلتستان میں درجہ حرارت 2-4 ڈگری گریڈ بڑھ سکتا ہے۔محکمہ موسمیات کے مطابق درجہ حرارت بڑھنے سے گلشئیرز کے پگھلنے میں تیزی آ جائیگی۔ محکمہ موسمیات کے مطابق گلشئیرز پگھلنے سے بگروٹ، شغر، خپلو اور گھانچے میں موجود برفانی جھیلیں

پھٹ سکتی ہیں، محکمہ موسمیات نے ممکنہ سیلاب کے پیش نظر مقامی افراد اور انتظامیہ کو محتاط رہنے کی ہدایات جاری کردی۔میڈیا ذرائع کے مطابق خطرناک علاقوں میں آباد لوگوں کو محفوظ مقامات پر منتقل ہونے کی ہدایات جاری کر دی گئی ہیں، گلیشیئر پھٹنے سے تباہ کن بارشوں کے سلسلے کا آغاز ہو جائے گا، اس کی وجہ سے آزاد کشمیر، گلگت بلتستان کے علاقوں میں بڑی تباہی ہوسکتی ہے۔