اسلام آباد (آن لائن)مسلم لیگ ن کے نائب صدر مریم نواز نے کہا ہے کہ سیاسی انتقام کی تمام حدیں عبور کرلی گئیں، نواز شریف کو توڑنے اور جھکانے کا خواب دیکھنے والے آج بھی ناکام و نامراد ہیں۔مریم نواز نے وزیر اعظم کو مخاطب کرتے ہوئے کہا کہ آپ کو شرم بھی نہیں آتی؟ جو گھناؤنی سازش نواز شریف کو سزا دینے اور
میدان سے باہر رکھنے کے لیے رچائی گئی، آپ اس سازش میں شامل اور قصور وار ہیں، آپ کا بھیانک چہرہ جج نے پوری دنیا کو دکھا دیا ہے۔مریم نواز کا کہنا تھا سلیکٹڈ تو آپ تھے ہی، ابآپ کے گھناؤنے کردار پر بھی مہر لگ چکی ہے۔ انہوں نے کہا کہ ظلم و جبر کے پہاڑ توڑ دئیے گئے۔ انہوں نے ٹویٹ کے اختتام پر لکھا عوام کے منتخب نمائندے زندہ باد۔
