ممبئی( آن لائن ) عرشی خان نے شاہد آفریدی کوپاکستانی ٹیم میں شامل نہ کرنے پربے شرمانہ دھمکی دے ڈالی تفصیلات کے مطابق بالی وڈ اداکارہ اور ماڈل عرشی خان نے شاہد آفریدی کو پاکستان ٹیم میں شامل نہ کرنے پر احتجاج کرنے کا اعلان کر دیا۔ مقامی میڈیا کو جاری کردہ ایک بیان کے مطابق بالی وڈ حسینہ عرشی خان شاہد آفریدی کی حمایت میں کھل کر سامنے آگئیں اور اعلان کیا ہے کہ اگر شاہد آفریدی کو پاکستانی ٹیم میں شامل نہ کیا گیا تو وہ نئی دہلی میں پاکستانی سفارتخانے کے سامنے برہنہ ہو کر دھرنا دیں گی۔ عرشی خان کا کہنا تھا کہ شاہد آفریدی ابھی بھی نوجوان ، فٹ اور ان فارم ہیں تاہم انہیں ہر فارمیٹ میں کھیلنے کا موقع دیا جانا چاہئیے۔’’ اگر آفریدی کو اس مرحلے پر ٹیم سے نکالا گیا تو یہ پاکستانی کرکٹ کیلئے بڑا نقصان ہو گا ‘‘۔جب ان سے پوچھا گیا کہ انہوں نے کیسے اندازہ لگایا کہ آفریدی فٹ اور ان فارم ہیں تو اداکارہ کا کہنا تھا کہ آفریدی کی صلاحیت اور بہادری کے بارے میں مجھ سے بہتر کون جان سکتا ہے ؟ عرشی خان نے بتایا کہ اگر پی سی بی نے اپنا فیصلہ تین ہفتوں میں واپس نہ لیا تووہ پی سی بی کے فیصلے کے خلاف نئی دہلی میں پاکستانی سفارتخانے کے باہر برہنہ ہو کر دھرنا دیں گے۔’’ آفریدی پاکستان کیلئے ایک سرمایہ تھے اور پاکستانی عوام کو بھی اپنے کپتان کیلئے آواز بلند کرنی چاہئیے ‘‘۔