ممبئی(مانیٹرنگ ڈیسک)بالی ووڈ کی معروف فلم ڈائریکٹرفرح خان نے انکشاف کیا ہےکہ ماضی میں ان کے مالی حالات اس قدر خراب تھے کہ والد کی تدفین کے لیے بھی پیسے نہیں تھے،رشتہ داروں نے پیسے جمع کرکے میرے والد کی تدفین کی ۔ فلم ڈائریکٹر فرح خان نے ایک تقریب میں دوران گفتگواپنے ماضی کے بارے میں انکشافات کرتے ہوئے آبدیدہ ہوگئیں اور بتایا کہ والد شراب نوشی کرتے تھے جس کے باعث ان کا انتقال ہوگیا تھااورمیں پیسے نہ ہونے کی وجہ سے ان کاعلاج نہ کراسکی ۔انہوں نے کہاکہ مجھے اس بات کادکھ تمام زندگی رہے گا۔انہوں نے ان باتوں کی تردید کی کہ میراکسی صحافی خاندان سے کوئی تعلق نہیں ۔میں اب جس مقا م پرہوں وہ میں نے محنت کے بل بوتے پرحاصل کیا۔فرح خان نے
نے کئی بلاک بسٹر فلموں کی ہدایتکاری کے فرائض سرانجام دیئے ہیں جس میں ’’کل ہو نا ہو‘‘،’’ میں ہوں نا‘‘ اور ’’ہیپی نیوایئر‘‘شامل ہیں۔فرح خان کاکہناتھاکہ انسان محنت کرے توکسی بھی میدان میں کامیاب ہوسکتاہے ۔انہوں نے کہاکہ قسمت کابھی عمل دخل ضرورہوتاہے لیکن محنت کبھی رائیگاں نہیں جاتی ۔