ممبئی (مانیٹر نگ ڈیسک)بالی وڈ کی معروف اداکارہ اور سابق مس سری لنکا جیکولین فرنانڈس فلموں میں مختلف طرح کے کردار ادا کرنا چاہتی ہیں۔جیکولین فرنانڈس نے بالی ووڈ میں اپنے کیریئر کا آغاز 2009 میں بننے والی فلم الا دین سے کیا تھا۔جیکولین کا کہنا ہے کہ وہ اب تک کے ادا کئے گئے اپنے کرداروں سے ہٹ کر کچھ مختلف کردار میں نظر آئیں گی۔جیکولین نے کہا کہ امید ہے کہ جلد ہی ایسا ہوگا۔ایک فلم ہے لیکن اس بارے میں بات کرنا جلدبازی ہوگی ، تاہم میں اپنی اگلی فلم میں کچھ مختلف اور کچھ دلیری پر مبنی کام کرتی نظر آؤ نگی۔جیکولین کی حالیہ فلم ڈیشوم ریلیز ہوچکی ہے۔جیکولین اب آنے والی اے فلائنگ جٹ کی ریلیز کا بے صبری سے انتظار کر رہی ہیں۔ریمو ڈی سوزا کی ہدایت کاری میں بنی اس فلم میں جیکولین کے ساتھ ٹائیگر شیروف نے اہم کردار ادا کیا ہے۔