باجی راﺅمستانی“کی نمائش پر پابندی عائد
نیو دہلی(نیوز ڈیسک )سنجے لیلا بھنسالی کی نئی آنے والی فلم ”باجی راﺅمستانی“کی نمائش پر پابندی عائد کروانے کیلئے پونے کی عدالت میں مقدمہ دائر کر دیا گیا ہے۔ رپورٹ کے مطابق بھارتی این جی اوبھارت اگینسٹ کرپشن کے صدر ہمنت پٹیل کی طرف سے پیش ہونے والے وکیل ساجد خان نے موئ قف اختیار کیا ہے کہ باجی راﺅ مستانی میں تاریخ کو مسخ کرنے کی کو شش کی گئی ہے۔علاوہ ازیں انکا کہنا ہے کہ فلم میں ماضی کے مایہ ناز بادشاہ شری متی پیشوا باجی راﺅ کی دونوں بیویوں کے کردارکی عکاسی انکے اصل کردار سے یکسر مختلف کی گئی ہے۔ ہمنت پٹیل کی طرف سے مقدمہ میں سنجے لیلا بھنسالی ، پریانکا چوپڑا اور دیپکا پڈکون کو پارٹی نامزد کیا گیاہے۔ سنجے لیلا بھنسالی کی باجی راﺅ مستانی میں اداکار رنویر سنگھ پیشوا باجی راﺅ، جبکہ پریانکا چوپڑا باجی راﺅ کی پہلی بیوی کاشی بائی اور دیپکا پڈکون دوسری بیوی مستانی کا کردار ادا کر رہی ہیں۔واضح رہے اس قبل پیشوا باجی راﺅ کے وارثان کی طرف سے چند روز قبل فلم میں انکے خاندن کی غلط عکاسی کرنے کی بنا پر مہاراشٹرا کے چیف منسٹر دیوندرا فیڈنوس کو بھی درخواست لکھی گئی تھی۔سنجے لیلا بھنسالی کی باجی راﺅ مستانی 18دسمبر کو نمائش کیلئے پیش کی جائے گی۔