ممبئی(نیوز ڈیسک )سپر سٹار شاہ رخ خان اور کاجل کی جوڑی ہندی فلموں کے شائقین میں بے حد مقبول ہے۔ تاہم شاہ رخ خان کے چھوٹے بیٹے ابرام خان اس جوڑی کو کچھ خاص پسند نہیں کرتے۔رپورٹ کے مطابق حال ہی میں جب ابرام شاہ رخ خان کی نئی آنے والی فلم ”دل والے“ کے سیٹ پر پہنچے تو وہاں اچانک اداکارہ کی کسی شرارت کے باعث سپر سٹار کو چوٹ آگئی اور سٹار کڈ پریشان ہو گیا۔ اداکار کا کہنا تھا کہ جب مجھے چوٹ آئی تو ابرام کے منہ سے بے اختیار نکلا کہ ”پاپا ٹوٹ گیا“۔واضح رہے کنگ خان اور کاجل پانچ سال کے طویل عرصے کے بعد ایک دوسرے کا ساتھ اداکاری کر رہے ہیں۔ شاہ رخ خان اور کاجل کی آن سکرین لازوال جوڑی اب تک ”دل والے دلہنیا لے جائیں گے“، ”کچھ کچھ ہوتا ہے“، ”کبھی خوشی کبھی غم “ اور ”مائی نیم از خان“ جیسی مقبول ترین فلموں میں عمدہ کارکردگی کا مظاہر ہ کر چکی ہے۔ روہت شیٹی کی ”دل والے“ کے نمایاں ستاروں میں کاجل ، شاہ رخ خان، ورون دھون اور کریتی سینن کے نام شامل ہیں۔شاہ رخ خان کی دل والے رواں سال18دسمبر کو ملک بھر سینما گھروں میں نمائش کیلئے پیش کی جائے گی۔