لاہور(نیوز ڈیسک)شوبز سے کنارہ کش ہونے والی فلمسٹار نرگس ایک بار پھر سے تھیٹر پر جلوہ گر ہو گئی ہیں،کہتی ہیں کہ پہلے سے بہتر کام کریں گی اور شائقین کی امیدوں پر پورا اتریں گی۔پہلے کام کرنے سے انکار، شوبز اور شوبز والوں سے ملنے سے بھی انکار کر دیا مگر اب تین سال بعد اسی دنیا میں لوٹ آئیں جس کو یہ کہہ کر چھوڑ دیا تھا کہ اس کام سے سکون نہیں ملتا، الٹا فحاشی پھیلانے کا الزام لگ جاتا ہے۔نرگس کے چاہنے والے اب ایکبار پھر انہیں لاہور کے مقامی تھیٹرز پر کام کرتے اور رقص کرتے دیکھیں گے۔ نرگس کے مطابق رقص کی بھرپور تیاری ہے، امید ہے شائقین میں سے کوئی بھی ناامید نہیں لوٹے گا۔نرگس کا کہنا ہے کہ ماضی میں فلموں اور اسٹیج پر جو کام کیا اب اس سے کہیں بہتر پرفارم کریں گی۔ 22 سالہ فلمی کیرئیر میں ساتھی اداکاراوں سے جھگڑے زبان زد عام رہے ، نرگس نے آج پھران کی خبر لے ڈالی،کہتی ہیں نئی آنیوالی لڑکیاں کچھ بننا چاہتی ہیں تو ان سے سیکھیں۔ دیکھنا یہ ہے کہ نرگس 3 سال بعد اپنے چاہنے والوں کے لئے کیا نیا لے کر آتی ہیں۔