اسلام آباد(نیوز ڈیسک ) بالی ووڈ اداکار ابھیشیک بچن کا کہنا ہے کہ انہیں اپنی اہلیہ اور سابق مس ورلڈ اداکارہ ایشوریا رائے پر فخر ہے۔بھارتی اخبار کے مطابق ابھیشیک بچن سے سوال کیا گیا کہ کیا انہوں نے ایشوریا کی کم بیک فلم ’جذبہ‘ دیکھی؟اس سوال کے جواب میں اداکار کا کہنا تھا ’میں نے فلم جذبہ دیکھی اور مجھے فلم بے حد پسند آئی، اپنی اہلیہ پر بہت فخر محسوس کر رہا ہوں۔ سنجے گپتا کی ہدایت میں بنی اس فلم کی پوری ٹیم نے فلم کے لیے کافی محنت کی ہے۔ابھیشیک بچن نے یہ بات ممبئی فلم فیسٹیول میں میڈیا کے نمائندے سے بات چیت کرتے ہوئے کی۔فلم ’جذبہ‘ میں ایشوریا رائے نے 5 سال کے لمبے عرصے بعد اداکاری کی جس میں ان کے ہمراہ اداکار عرفان خان اور شبانہ اظمی موجود تھے۔