اسلام آباد(نیوز ڈیسک ) دپیکا پڈوکون کا اداکارہ سونم کپور اور کالکی کوئچلن کے بارے میں کہنا ہے کہ دونوں کے اسٹائل انہیں کافی متاثر کرتے ہیں۔بھارتی اخبار کے مطابق دپیکا کا ملبوسات کے برینڈ کی لانچ ایونٹ کے دوران کہنا تھا کہ وہ اداکارہ ہیما مالنی اور سری دیوی کے ملبوسات کے انتخاب کو بے حد پسند کرتی ہیں۔موجودہ دور کے اداکاروں کے اسٹائل کے حوالے سے دپیکا نے سونم کپور اور کالکی کوئچلن کا نام لیتے ہوئے بتایا کہ دونوں ہی نہایت اچھا اور منفرد اسٹائل رکھتی ہیں۔یاد رہے کہ کچھ عرصہ قبل سونم کا ایک شو کے دوران کہنا تھا کہ دپیکا کا اپنا کوئی اسٹائل نہیں۔دیپیکا اور سونم نے ایک ساتھ بالی ووڈ میں اپنا سفر فلم ”اوم شانتی اوم“ اور’ ’سانوریا“ کے ساتھ شروع کیا تھا جس کے بعد آج تک ان کے درمیان باکس آفس پر فلموں کی کامیابی سے لے کر بولی وڈ فیشن آئیکون کے حوالے سے سرد جنگ جاری ہے۔بولی وڈ اداکاروں کے حوالے سے دپیکا نے شاہ رخ خان اور رنبیر کپور کے ملبوسات کے انتخاب کی تعریف کی۔دیپیکا اس وقت اپنی فلم ’تماشا‘ اور ’باجی راو¿ مستانی‘ کی پروموشن میں مصروف ہیں۔