ممبئی(نیوز ڈیسک)بولی ووڈ کنگ شاہ رخ خان اپنی فیمیل پرستار سے ملنے کے لئے بھارتی شہر حیدرآباد جائیں گے۔رپورٹ کے مطابق بھارتی بیڈمنٹن سٹار سائنا نہوال بھارت سمیت دنیا بھر میں موجود شاہ رخ خان کی محبت میں گرفتار سینکڑوں لڑکیوں میں سے ایک ہیں۔ذرائع کے مطابق بیڈمنٹن سٹار نے اداکار کو مائیکرو بلاگنگ سائٹ ٹویٹر پر ملنے کی درخواست کی تھی جسے کنگ خان نے قبول کر لیا ہے۔علاوہ ازیں سائنا نے کامیڈی نائٹس ود کپل میں بھی شاہ رخ خان سے ملنے کی خواہش کا اظہار کیا تھا۔رپورٹ کے مطابق اداکار آجکل روہت شیٹھی کی فلم دل والے کی شوٹنگ مکمل کرانے کے سلسلے میں نوابوں کے شہر حیدرآباد میں ہیں۔واضح رہے دل والے میں شاہ رخ خان کے مد مقابل معروف اداکارہ کاجل اداکاری کر رہی ہیں۔علاوہ ازیں امید ظاہر کی جا رہی ہے کہ دل والے رواں سال 18دسمبر کو ملک بھر کے سینماں میں نمائش کیلئے پیش کی جائے گی۔