ہالی وڈ(نیوز ڈیسک)دنیا بھر میں وولورین کے کردار میں دھوم مچانے والے ہیوجیک مین اب خطرناک بحری قزاق کے روپ میں نظر آئیں گے۔ اسی سلسلے میں نئی ایڈونچر کامیڈی فینٹسی فلم ’پین‘ کا نیا ٹریلر ریلیز کر دیا گیا ہے۔ ہدایتکار جو رائٹ کی اس سنسنی خیز فلم کی کہانی جادوئی سر زمین پر بسنے والے پیٹر پین نامی ایک ایسے یتیم لڑکے کے گِرد گھوم رہی ہے، جو غیر معمولی صلاحیتوں کا مالک ہوتا ہے اور خطرناک بحری قزاقوں کو اپنی طاقت اور بہادری کے ذریعے سبق سکھاتا ہے۔ پال ویبسٹر اور کریگ برلانٹی کی مشترکہ پروڈکشن میں بننے والی اس فلم میں ’بلیک بیرڈ‘ نامی خطرناک بحری قزاق کا کردار اَن گنت نا قابلِ فراموش کرداروں میں نظر آنے والے ہیو جیک مین نبھا رہے ہیں، جبکہ پیٹر پین کے روپ میں ننھے اداکار لیوی مِلر اور ہ±ک مین کے کردار میں گیریٹ ہیڈ لینڈ جلوہ? گر ہوں گے۔ نت نئے جادوئی کمالات اور فینٹسی ورلڈ کی سیر پر مبنی یہ کامیڈی ایڈونچر فلم وارنر بروس کے تحت 9اکتوبر کو امریکی سنیما گھروں میں دھوم مچانے آرہی ہے۔