لاہور(نیوز ڈیسک) گلوکار اور اداکار علی ظفر نے اپنی بیگم کو4بیڈ رومزکاگھرتحفے میں دیا ہے۔ذرائع کے مطابق علی ظفر نے لاہور کے ایک پوش علاقے میں 15 ہزار مربع فٹ پر قائم کردہ گھر اپنی بیگم عائشہ کو بیٹی کی پیدائش کی خوشی میں بطور تحفہ دیا ہے۔علی ظفرکے مطابق ان کا یہ گھر ایک عرصہ سے زیرتعمیر تھا۔ انہوں نے گھرکوعائشہ کوگفٹ میں دیدیا ہے۔اس کی تزئین وارائش عائشہ نے بڑی محبت سے کی ہے جبکہ گھر میں میوزک سسٹم نصب کیا گیا ہے جو ہروقت بج سکتا ہے۔انہوں نے بتایا کہ گھرمیں ایک اندرونی سوئمنگ پول بھی ہے جبکہ چاروں بیڈ رومز کے ساتھ ملحقہ ٹیرس ہیں۔گھرکی بیسمنٹ (تہہ خانہ) کو ریکارڈنگ سٹوڈیو میں ڈھال دیا گیا ہے جس میں موسیقی سے متعلقہ مشینیں اور الات نصب ہیں۔علی ظفرنے کہا کہ میرے والدین تعلیمی بیک گراو¿نڈ رکھتے تھے اور پروفیسرزتھے ہمارے ساتھ ہمارے دادا دادی بھی رہتے تھے اس لئے ہمیں اپنے بڑوں کے ساتھ چھوٹا سا کمرہ رہنے کو ملا۔علی ظفر نے کہا کہ ایسا گھر ہونا میری پچپن کی خواہش تھی اور انہوں نے اس کیلئے بڑی محنت کی ہے۔