ممبئی(نیوز ڈیسک) بالی ووڈ اداکار ٹائیگر شیروف اور شرادھا کپور نے فلم کے لئے لگاتار18 گھنٹے تک شوٹنگ کرواتے ہوئے ریکارڈ قائم کر دیا۔ ٹائیگر شروف اور شرادھا کپور ان دنوں ممبئی میں فلم باغی کی عکس بندی میں مصروف ہیں۔ دونوں فلم میں بطور ہیرو ہیروئن جلوہ گر ہوں گےفلم کے ہدایت کار صابر خان ہیں، انہوں نے ٹوئٹر کے ذریعے اس ریکارڈ کے بارے میں بتایا، انہوں نے لکھا کہ اس سے قبل بالی ووڈ میں بغیر کسی بریک کے 18 گھنٹے تک شوٹنگ کا کوئی ریکارڈ نہیں ہے۔ انہوں نے لکھا کہ مسلسل اتنی دیر شوٹنگ اگرچہ اچھی بات نہیں لیکن ایسا ریکارڈ کے لئے نہیں کیا گیا، ایسا صرف اس وجہ سے کیا گیا کیونکہ ایک خاص طرح کے ماحول میں مناظر عکس بند کئے جانا تھے اور ایسا ایک ہی دن میں ہونا ضروری تھا۔ انہوں نے کہا کہ میں دونوں اداکاروں اور پورے عملے کو اتنی محنت کرنے پر داد دیتا ہوں۔واضح رہے کہ یہ ٹائیگر شروف کے کیریئر کی دوسری فلم ہے۔ ان کی پہلی فلم ہیرو پنٹی تھی جو کامیاب ہوئی تھی۔