لاہور(نیوز ڈیسک)اداکارہ ماہ نورنے کہاہے کہ ملکی حالات بہترہونے سے شوبزسرگرمیاں بحال ہوناشر وع ہوگئی ہیں جس کی بدولت عیدالفطرکے موقع پرفلموں اورسٹیج نے بہترین بزنس کیا۔ایک بیان میں انکاکہناتھاکہ میں فیصل آبادمیں اپنے فن کامظاہرہ کرکے دوروزقبل لاہورواپس پہنچی ہوں۔وہاں ڈرامے کے ہرشومیں شائقین کی بڑی تعدادموجودرہی جنہوں نے مجھ سمیت دیگرفنکاروں کی پذیرائی کی۔انہوں نے کہا کہ ملکی حالات جیسے جیسے بہترہورہے ہیںفلموں اورڈراموں کے شائقین میں اضافہ ہورہاہے۔انکاکہناتھاکہ محفل تھیٹرمیں زیرنمائش ڈرامہ کڑیاں پٹولہ میں اداکاری کے جوہردکھارہی ہوں۔ہدایتکارہ ناہیدخانم کے مذکورہ ڈرامے کے لیے میرے نئے ڈانس آئٹم کوبہت پسندکیاجارہاہے۔ماہ نورکاکہناتھاکہ تھیٹرکے علاوہ ٹی وی کے مختلف مزاحیہ پروگراموں اور ڈراموں میں بھی میری مقبولیت میں اضافہ ہورہاہے۔