جمعہ‬‮ ، 23 مئی‬‮‬‮ 2025 

کاجول، ریکھا ، سری دیوی کی گوری رنگت کا راز فاش

datetime 9  اگست‬‮  2015
ہمارا واٹس ایپ چینل جوائن کریں

لاہور (نیوز ڈیسک) فلمی دنیا کے ستاروں میں پلاسٹک سرجری، کاسمیٹکس سرجری اور دیگر اقسام کے بیوٹی ٹریٹمنٹس کے ذریعے سے اپنی خوبصورتی کو نکھارنے کی خبریں تو عام ہیں۔ مائیکل جیکسن سے کائیلی جینر تک اور بالی ووڈ میں ریکھا سے انوشکا شرما تک، متعدد اداکارائیں اس حوالے سے خبروں کی زینت بنتی رہی ہیں تاہم اسی حوالے سے ایک پہلو زیادہ زیر بحث نہیں آیا ہے اور وہ ہے سانولی رنگت کو گورا کرنا۔ بالی ووڈ کی متعدد اداکاراو¿ں کی موجودہ تصاویر اور ان کی انڈسٹری میں آمد کے موقع کی تصاویر دیکھی جائیں تو رنگت میں زمین آسمان کا فرق صاف چغلی کھاتا ہے کہ دل میں کچھ کالا ہے۔
گوری رنگت کیلئے ٹریٹمنٹ کے حوالے سے سب سے بڑی مثال اداکارہ کاجول کی ہے۔ ان کی ابتدائی فلمیں خاص کر بازیگر میں ان کی گہری سانولی رنگت، اس دور کی بالی ووڈ انڈسٹری سے تو میل کھاتی تھی تاہم وہ کاجول جو مائی نیم از خان یا کبھی خوشی کبھی غم میں دکھائی دی، بازیگر کی کاجول سے ذرہ برابر بھی نہیں ملتی۔ کہا جاتا ہے کہ انہوں نے سکن وائٹننگ ٹریٹمنٹس کے ذریعے سے اپنی رنگت کو ہلکا کیا ہے۔
اداکارہ سری دیوی نے بطور چائلڈ سٹار بالی ووڈ میں اپنے کیریئر کا آغاز کیا اور پھر وہ انڈسٹری کی ہیروئن بنیں، اس لئے ان کی شکل صورت، رنگ اور جسامت میں وقت کے ساتھ نمایاں ہونے والی تبدیلیاں سب پر عیاں ہیں۔ اس دوران قدرتی طور پر ان کی ساخت میں آنے والی دو تبدیلیاں ان کی ناک اور رنگت بھی ہے۔ ان کے کیریئر کی ابتدائی فلم ” سولہواں ساون“ میں موٹی اور سانولی دکھنے والی سری دیوی اپنے ہی کیریئر کی آئندہ فلموں سے یکسر مختلف معلوم ہوتی ہے۔ اس کے پیچھے چھپا راز بھی سکن وائٹننگ ٹریٹمنٹ ہے۔
ساو¿تھ انڈیا کی خواتین کی خاص علامت انکی سانولی سلونی رنگت اور فربہ جسامت ہوتی ہے۔ اداکارہ ریکھا بھی اس علاقے سے تعلق رکھنے کے سبب انڈسٹری میں آمد کے موقع پر ایسی ہی تھیں۔ حتیٰ کہ ان کی پہچان ہی ان کی سانولی رنگت تھی تاہم آج کی ریکھا کی صحت مند، چمکیلی اور گندمی رنگت کی جلد اس پہچان سے کوسوں دور دکھائی دیتی ہے۔
ڈریم گرل ہیما مالنی انڈسٹری میں آمد کے وقت سے ہی گوری ہیں تاہم کہا جاتا ہے کہ انہوں نے ہوشیاری کا مظاہرہ کیا تھا اور انڈسٹری میں قدم رکھنے سے قبل ہی سکن وائٹننگ ٹریٹمنٹ کا سہارا لیا۔ ان کے قریبی حلقے تو یہ دعویٰ بھی کرتے ہیں کہ انہوں نے بڑھتی عمر کے اثرات چھپانے کیلئے فیس لفٹنگ بھی کروائی ہے۔

آج کی سب سے زیادہ پڑھی جانے والی خبریں


کالم



کم عمری کی شادی پر پابندی کا بل واپس نہ لیا گیا تو سڑکوں پر آئیں گے، فضل الرحمن


اسلام آباد (این این آئی)جمعیت علما اسلام کے سربراہ…

غزوہ ہند

بھارت نریندر مودی کے تکبر کی بہت سزا بھگت رہا…

10مئی2025ء

فرانس کا رافیل طیارہ ساڑھے چار جنریشن فائیٹر…

7مئی 2025ء

پہلگام واقعے کے بارے میں دو مفروضے ہیں‘ ایک پاکستان…

27ستمبر 2025ء

پاکستان نے 10 مئی 2025ء کو عسکری تاریخ میں نیا ریکارڈ…

وہ بارہ روپے

ہم وہاں تین لوگ تھے‘ ہم میں سے ایک سینئر بیورو…

محترم چور صاحب عیش کرو

آج سے دو ماہ قبل تین مارچ کوہمارے سکول میں چوری…

شاید شرم آ جائے

ڈاکٹرکارو شیما (Kaoru Shima) کا تعلق ہیرو شیما سے تھا‘…

22 اپریل 2025ء

پہلگام مقبوضہ کشمیر کے ضلع اننت ناگ کا چھوٹا…

27فروری 2019ء

یہ 14 فروری 2019ء کی بات ہے‘ مقبوضہ کشمیر کے ضلع…

قوم کو وژن چاہیے

بادشاہ کے پاس صرف تین اثاثے بچے تھے‘ چار حصوں…