ممبئی(نیوز ڈیسک) بالی ووڈ اداکارہ دیپیکا پڈوکون کا کہنا ہے ڈپریشن جیسی خطرناک بیماری کا خاتمہ ان کے لیے بہت اہم مسئلہ ہے جو وہ حل کرنا چاہتی ہیں۔بھارتی میڈیا رپورٹس کے مطابق بالی ووڈ کی دلکش اداکارہ دیپیکا پڈکون کا اپنی این جی او “لیو، لو اینڈ لاف” کے “لوگو” کی لانچنگ تقریب میں کہنا تھا کہ ڈپریشن جیسی موذی بیماری کا خاتمہ ان کے لیے بہت اہم ہے، یہ بیماری بہت خطرناک ہے جس کی تشخیص بھی بہت مشکل ہے، میں بہت خوش قسمت ہوں کہ مجھے اس کام کے لیے بہت سپورٹ مل رہی ہے۔دپیکا کا کہنا تھا کہ وہ اوران کی ٹیم مل کراس فاو¿نڈیشن کے لیے بہت محنت کررہے ہیں جس سے عوام کوآگاہی ملے گی اور ڈپریشن جیسی بیماری میں کمی آسکے گی۔واضح رہے کہ اداکارہ خود بھی ڈپریشن کا شکاررہ چکی ہیں اورانہوں نے اپنی بیماری کے دوران اس خطرناک بیماری کا شکار افراد کے لیے فاو¿نڈیشن قائم کرنے کا فیصلہ اسی وقت کرلیا تھا۔