لاہور (نیوز ڈیسک) پاکستانی اداکار فواد خان ان دنوں بالی ووڈ میں اپنی فلم ”کپور اینڈ سنز“ کی شوٹنگ میں مصروف ہیں تاہم ان کی اصل سرگرمیاں اردو سکھانا ہے۔ ان سے اردو سیکھنے والوں میں فلم کی کاسٹ کے اداکار سدھارتھ ملہوترا اور عالیہ بھٹ شامل ہیں۔فلم فیئر کے مطابق فواد سے سیکھ کے یہ اداکار اب مسئلہ، دفع ہوجائے اور ملک جیسے الفاظ بکثرت استعمال کررہے ہیں۔واضح رہے کہ فواد خان کے فلم کی کاسٹ میں شامل سدھارتھ ملہوترا اور عالیہ بھٹ سے دوستی کی خبریں پہلے بھی میڈیا کی زینت بنتی رہی ہیں۔ حتیٰ کہ سدھارتھ نے فواد کی خواہش پر پاکستان آنے کی حامی بھی بھر لی تھی۔ کپور اینڈ سنز کے علاوہ بھی فواد خان کی اداکارہ دپیکا پڈو کون ، کرینہ کپور سے بے تکلفی کی خبریں سامنے آئی ہیں۔ فواد خان کو بالی ووڈ میں متعارف کروانے کا ذریعہ اداکارہ سونم کپور کے ہمراہ سائن کی گئی فلم ”خوبصورت “ بنی تھی اور اس فلم کے بعد سے سونم کپور صبح شام فواد خان کے نام کی مالا جپتی دکھائی دیتی ہیں۔