کراچی (نیوز ڈیسک) فلم ، تھیٹر اور ٹی وی کی اداکارہ اور ماڈل حریم فاروق پی ٹی آئی کے سربراہ عمران خان کی اہلیہ ریحام خان کی پہلی فلم جاناں کی کو پروڈیوسر بن گئیں۔ ریحام خان بطور ہدایتکار ہ پہلی بار کسی فیچر فلم کی ڈائریکشن دیں گی۔ حریم فاروق نے اپنے فنی کیریئر کا آغاز فلمساز و ہدایتکار عمران کاظمی کی فلم سیاہ سے 2013 میں کیا تھا جبکہ ان کو تھیٹر پر شہرت انور مقصود کے ڈرامے آنگن ٹیڑھا سے ملی جس میں انہوں نے بشریٰ انصاری والا کردار ادا کیا تھا۔حریم فاروق نے نمائند نجی ٹی وی سے گفتگو کرتے ہوئے کہا کہ میں ریحام خان کے ساتھ بطور کو پروڈیوسر کام کررہی ہوں۔ انہوں نے کہا کہ فلم میں مرکزی کردارکینیڈا میں رہنے والی پاکستانی اداکارہ و ماڈل آرمینہ رانا خان اداکرینگی ، فلم کو پشتو زبان میں بنایا جائے گا جسے اردو زبان میں ڈب کرکے ریلیز کیا جائے گا ، فلم کی عکس بندی بہت جلد شروع کردی جائیگی۔