ممبئی (نیوز ڈیسک) سوناکشی سہنا مالدیپ میں چار روز کی چھٹی منا کر واپس آگئی۔ ذرائع کے مطابق سوناکشی نے مالدیپ میں چارروز میں اپنی چار سو تصویریں کھینچ ڈالیں جس کے بارے سوناکشی کا کہنا ہے کہ اس کو فوٹو گرافی سے بے حد لگاﺅ ہے اور مالدیپ کے حسن نے اس کے شوق کومہمیز دی تھی۔ سوناکشی نے کہا کہ ان کے اس چار روزہ سفر نے ان کی شخصیت کے نکھار اور تجربات میں بے حد اضافہ کیا ہے۔ سوناکشی نے ایک سوال کے جواب میں کہا کہ اسے اپنے ملک میں گوا‘ کیرالہ اور کوچلن موسم کے لحاظ سے بے حد پسند ہیں اس کے علاوہ وہ ساحل سمندر کی بھی دیوانی ہے مالدیپ میں اس نے سمندر کنارے خوب وقت گزارا۔ اداکارہ نے بتایا کہ اس کی سیر و تفریح کے اگلے ایجنڈے میں بالی ‘ مراکش ‘ بہاماس ‘ ٹوکیو ‘ وینس ‘ میکونوس ‘ روم اور ویٹکن سٹی شامل ہیں ۔
مزید پڑھئے:امریکا، سیلفی کو تھری ڈی ماڈل بنانے والی ایپ تیار
