لاس اینجلس (نیوزڈیسک) ہالی ووڈ کی رومانٹک ڈرامہ فلم ’دی ایج آ ف ایڈالین‘ ریلیز کردی گئی ہے۔ توقع ہے فلم ویک اینڈ تک 3دن میں 1کروڑ ڈالر یا اس سے زیادہ کما لےگی، جبکہ سنسنی سے بھرپور نئی سائنس فکشن فلم ’ایکس ماکینا‘ 30سے 40لاکھ ڈالر بزنس کرسکتی ہے۔ دوسری جانب فلمی پنڈتوں کا کہنا ہے کہ باکس آفس پر چوتھے ہفتے بھی فاسٹ اینڈ فیورس 7 کا راج برقرار رہےگا۔ نارتھ امریکن باکس آفس پر تیز رفتار کاروں اور دل دہلا دینے والے مناظر سے بھرپور فلم فیورس 7 نے قبضہ جما لیا۔ امید ہے یہ فلم اس ہفتے مزید 1کروڑ 70لاکھ ڈالر کما لےگی۔ فاسٹ اینڈ فیورس 7 دنیا بھر میں پہلے 3ہفتوں کے دوران 1ارب 10کروڑ ڈالر سے زائد کا بزنس کر چکی ہے۔