ممبئی ( نیوز ڈیسک) بھارتی ٹیلی ویژن کی اداکارہ پوجا مشرا نے بالی وڈ اداکارہ سوناکشی سنہا کے خلاف ایف آئی آرکٹوا دی۔ بگ باس سیزن فاﺅ کا حصہ اداکارہ پوجا مشرا نے اپنی ایف آئی آر میں سوناکشی پرالزام عائد کیا ہے کہ وہ اس کے خلاف سازش میں ملوث ہیں اور انہوں نے انہیں ہراساں کیا ہے۔ پوجا کے مطابق سوناکشی نے ماڈل و اداکارہ ایشا کوپیکر کے ساتھ مل کر ادھے پورمیں قیام کے دوران نہ صرف انہیں مسلسل ہراساں کیا بلکہ سازش بھی کی جس کی وجہ سے وہاں قیام کے دوران وہ مسلسل اذیت اور خوف کا شکار رہیں۔ پوجا نے اپنی ایف آئی آرمیں سوناکشی کی والدہ پونم اور ایشا کے شوہر کا نام بھی درج کرایاہے۔