لاہور (نیوز ڈیسک) بالی وڈ اداکار سلمان خان کو فلم انڈسٹری میں نووارد حسیناﺅں کا مینٹر مانا جاتا ہے۔ ایلی ایورم بھی انہی اداکاراﺅں کی فہرست میں شامل ہیں، جنہیں سلمان خان کی آشیرباد حاصل ہے۔ دونوں کے بیچ قربتیں اس وقت بڑھی تھیں جب ایلی نے بگ باس میں شرکت کی تھی۔ ایلی کے معاملے میں سلمان کی سنجیدگی کا اندازہ اس امر سے لگایا جاسکتا ہے کہ سلمان نے ان کیلئے باڈی گارڈز کی خدمات حاصل کرلی ہیں۔ اس کے علاوہ ان کیلئے باندرا میں سلمان نے ایک فلیٹ بھی خریدا ہے تاکہ ان کیلئے پروڈیوسرز اور ڈائریکٹرز سے رابطہ ممکن ہوسکے۔ یہ باڈی گارڈز اسی فلیٹ پر تعینات کئے جائیں گے۔ قبل ازیں ایلی ایورم پانچ ماہ تک سلمان کے فارم ہاﺅس پر ہی رہائش پذیر تھیں۔