ممبئی (نیوزڈیسک)بالی ووڈ اداکارہ سنی لیون کا کہنا ہے وہ اپنے ماضی کو بدل نہیں سکتیں لیکن اگر ان کے بس میں ہو تو انٹرنیٹ کو ہی ڈیلیٹ کر دیں۔ ایک انٹرویو میں سنی لیون نے کہا کہ مجھے تب برا لگتا ہے جب بالی ووڈ میں میری محنت اور کوششوں کے باوجود مجھے اب بھی ماضی کی وجہ سے جانا جاتا ہے اور ہر بار میں ماضی کے حوالے دیئے جاتے ہیں۔ انہوں نے کہا کہ اگر ایک دفتر میں کام کرنے والی لڑکی اداکارہ بن جائے تو ہر بار یہ نہیں کہا جائے گا کہ فلاں دفتر میں کام کرنے والی اداکارہ یا ماضی میں فلاں کام کرنے والی اداکارہ، لیکن ہر بار میرے حوالے سے ہی میرے ماضی کا حوالہ کیوں دیا جاتا ہے۔ واضح رہے کہ سنی لیون بھارتی نڑاد کینیڈین ہیں اور ماضی میں انہوں نے پورن فلموں سے شہرت حاصل کی۔ اس کے بعد وہ پورن فلمیں چھوڑ کر بالی ووڈ کا حصہ بن گئیں اور اب ان کا کہنا ہے کہ وہ صرف بالی ووڈ میں ہی کام کرنا چاہتی ہیں۔
سنی لیون کی فلم ایک پہیلی لیلا ان دنوں ریلیز ہونے والی ہے اور سنی اس کی تشہیر میں مصروف ہیں۔ اس حوالے سے ایک تقریب میں گفتگو کرتے ہوئے انہوں نے کہا کہ میں بالی ووڈ میں محنت کر رہی ہوں، مجھے فلموں میں کام مل رہا ہے اور لوگ مجھے پسند کر رہے ہیں، اب صورتحال کافی بدل رہی ہے اور مجھے امید ہے کہ میری محنت رنگ لائے گی اور مجھے ایک اچھی اداکارہ بھی تسلیم کیا جائے گا۔
سنی لیون نے بالی ووڈ میں اپنے پسندیدہ اداکار کے بارے میں کہا کہ سلمان خان میرے پسندیدہ اداکار ہیں کیونکہ وہ صرف اچھے اداکار ہی نہیں بلکہ بہت اچھے انسان بھی ہیں۔ جب میں بالی ووڈ کا حصہ بنی تو وہ سب سے پہلے فرد تھے جس نے مجھے ویلکم کہا، اس وقت اکثریت مجھے بالی ووڈ میں دیکھنا نہیں چاہتی تھی لیکن سلمان خان نے میری ہمت بندھائی اور میری مدد کی۔
سنی لیونی نے اپنی پسندیدہ خوراک کے حوالے سے کہا کہ انہیں بھارتی کھانے بہت پسند ہیں۔ انہوں نے کہا کہ مجھے آلو کے پراٹھے مکھن، دہی اور اچار کے ساتھ بہت اچھے لگتے ہیں لیکن میں تقریب ایک سال سےاپنی یہ پسندیدہ خوراک نہیں کھا سکی ہوں۔