اسلام آباد(نیوز ڈیسک)لندن کے مشہور بوائز بینڈ “ون ڈائیریکشن کے ممبرز کا کہنا ہے پاکستانی نژاد زین ملک کے بینڈ کو چھوڑنے کے فیصلے پر وہ بے حد مایوس ہیں۔پاکستانی نژاد زین ملک نے پچیس مارچ 2015 کو بینڈ ون ڈائریکشن کو چھوڑا تھا۔ زین ملک پانچ سال تک ون ڈائریکشن کا حصہ رہے اور انہوں نے اپنی گلوکاری کا خوب جادو جگایا۔ زین ملک کے بینڈ سے الگ ہونے پر دیگر ممبر خاصے دلبرداشتہ ہو چکے ہیں۔ بینڈ کے ممبر ہیری سٹائلز کا کہنا ہے کہ پانچ سال بعد زین کا بینڈ کو چھوڑنا انکے لئے انتہائی مایوس کن ہے۔ زین کے اس فیصلے کے بعد بینڈ کو بہت دھچکا لگا۔ بینڈ ممبرز کا کہنا تھا وہ زین کی کمی کو پورا کرنے کی بھر پور کو شش کریں گے اور آنے والی البم میں مداحوں کیلئے بہترین گانے پیش کریں گے۔